Heavy rains in Telangana: تلنگانہ میں موسلادھار بارش کی وجہ سے ریلوے ٹریک کو پہنچا نقصان، کئی ٹرینیں منسوخ

حیدرآباد: تلنگانہ اور آندھرا پردیش میں شدید بارش کی وجہ سے دونوں ریاستوں میں ٹرینوں کی آمدورفت میں خلل پڑا ہے۔ جس کے باعث کئی ٹرینوں کے روٹ تبدیل کر دیے گئے ہیں جبکہ کئی ٹرینیں منسوخ کر دی گئی ہیں۔

ریلوے حکام نے اتوار کے روز بتایا کہ وجئے واڑہ-کازی پیٹ روٹ پر تقریباً 24 ٹرینوں کو روک دیا گیا ہے۔ ٹریک پر پانی بھر گیا ہے۔ ساتھ ہی وجئے واڑہ ڈویژن میں 30 ٹرینیں منسوخ کر دی گئی ہیں۔

مسلسل بارش اور سیلاب کے پانی کی وجہ سے محبوب آباد ضلع میں بعض مقامات پر ریلوے ٹریک کو نقصان پہنچا ہے۔ محبوب آباد کے قریب ایودھیا گاؤں میں پانی کی ٹینک ٹوٹنے سے ریلوے ٹریک پر پانی بھر گیا۔ اس کی وجہ سے ساؤتھ سنٹرل ریلوے کو وجئے واڑہ-کازی پیٹ روٹ پر ٹرینیں منسوخ کرنا پڑی ہیں۔

محبوب آباد کے قریب ریلوے ٹریک پر پانی بہہ گیا۔ ریلوے حکام نے سمہادری اور مچلی پٹنم ایکسپریس ٹرینوں کو محبوب آباد ریلوے اسٹیشن پر روک دیا۔ گوتمی، سنگھمترا کانگا-کاویری، چارمینار، یسونت پور ایکسپریس ٹرینوں کو روک دیا گیا ہے۔

ہندوستانی ریلوے کے مطابق، منسوخ کی گئی ٹرینوں میں وجئے واڑہ-سکندرآباد (12713)، سکندرآباد-وجئے واڑہ (12714)، گنٹور-سکندرآباد (17201)، سکندرآباد-سر پور کاغذ نگر (17233)، سکندرآباد-گنٹور (127036) 12705) شامل ہیں۔ اس کے علاوہ ریلوے حکام نے کئی ٹرینوں کے روٹس کو تبدیل کر دیا ہے۔ وشاکھاپٹنم-تروپتی ٹرین کے وجئے واڑہ اور سکندرآباد کے تمام اسٹاپیجز کو ختم کر دیا گیا ہے۔

جنوبی وسطی ریلوے نے کہا کہ آندھرا پردیش میں شدید بارش کی وجہ سے احتیاطی تدابیر کے طور پر کئی ٹرینوں کو ڈائیورٹ اور منسوخ کیا جا رہا ہے۔

ساؤتھ سنٹرل ریلوے نے اہم ریلوے اسٹیشنوں پر اضافی ہیلپ لائن نمبر قائم کیے ہیں جو درج ذیل ہیں: حیدرآباد – 27781500، سکندرآباد – 27786170، کازی پیٹ – 27782660، 8702576430، ورنگل – 27782751، کھمم -42504250 – 7569305697، راجمندری – 08832420541، تینالی – 08644227600، تونی 7815909479، نیلور – 7815909469، گڈور – 08624250795، اونگول – 7815909489، گڑیواڑہ 5909462 اور بھیماورم ٹاؤن – 7815909402۔

بھارت ایکسپریس۔