علاقائی

ہماری صدا ٹرسٹ میں’ماحولیاتی بیداری‘ پروگرام، درختوں کی حفاظت اورنئے درخت لگانے کی اپیل

نئی دہلی: ہماری صدا ٹرسٹ کے رائیڑنگ اسکل ڈیولیپمنٹ سینٹرمیں”ماحولیاتی بیداری” کے موضوع پرایک خاص پروگرام رکھا گیا۔ اس سیشن میں تقریباً 60 طلبہ نے شرکت کی اورملک میں ماحولیاتی مسائل پرمختلف عناوین پراپنی اپنی تقریریں پیش کی۔ پروگرام کی شروعات ہماری صدا ٹرسٹ کے بانی محمد ارشاد عالم نے کی۔ انہوں نے بچوں کوماحول کی اہمیت کے بارے میں بتایا۔ محمد ارشاد عالم کے بعد، دسویں جماعت کی طالبہ نازیہ نے اینکرنگ کی اورپورے پروگرام کوبہت دلچسپ طریقے سے آگے بڑھایا۔ اس کے بعد کئی بچوں نے ماحول کو صاف اورسرسبزبنانے کے بارے میں اپنی باتیں رکھیں۔

بچوں نے ماحولیات سے متعلق نظمیں پڑھیں اورسب سے اپیل کی کہ وہ درختوں کا خیال رکھیں، انہیں نہ کاٹیں، اورزیادہ سے زیادہ نئے درخت لگائیں۔ طلبہ نے ماحولیاتی بیداری پراردواورانگریزی میں تقاریربھی کیں۔ اس موقع پرطالبہ انعم نے ماحولیاتی نظم سنائی۔
مجھ سے ہے سانسوں کی تجھ میں روانی، میں نہ رہا تو رہے گا نہ پانی
میں تیرا حصہ ہوں، تومیرا حصہ ہے، مجھ سے ہی توزندہ ہے
نہ کاٹو مجھے، بڑا دُکھتا ہے
قابل ذکرہے کہ ہماری صدا ٹرسٹ گزشتہ کئی سالوں سے تعلیمی اورمالی طورپرکمزورطبقے کے بچوں کے لیے کام کررہی ہے۔ یہاں صرف بچے ہی نہیں بلکہ انگلش اسپوکن اورکمپویٹرسیکھنے کے لئے طلبہ وطالبات بھی آتی ہیں۔ ٹرسٹ نہ صرف تعلیم دیتی ہے بلکہ اس کے ساتھ ساتھ میڈیا اورینٹیشن اورایڈوکیسی کے تحت بچوں کی پرسنالٹی ڈیولیپمنٹ کے لئے ماہانہ پروگرام بھی کرتی رہتی ہے۔ اس پروگرام کے ذریعہ بچوں میں چھپے ٹیلینٹ (صلاحیت) کونکھارنے میں آسانی ہوتی ہے اوران میں ایک دوسرے سے مسابقہ کا شوق بھی پیدا ہوتا ہے۔
پروگرام کے اختام پرہماری صدا ٹرسٹ کے بانی محمد ارشاد عالم نےبچوں کا شکریہ ادا کیا۔ خاص طوران بچوں کوجنہوں نے اس نئے سیشن میں پہلی مرتبہ سینٹرکے پروگرام میں حصہ لیا اورہمت اکٹھا کرکے اپنی تقاریرپیش کیں۔ سینٹرمیں موجود والدین نے بھی اپنے تاثرات کوپیش کرتے ہوئے کہا کہ اس طرح کی سرگرمی (اکٹیویٹی) سے بچوں کے دلوں میں بیٹھے خوف سے دورہونے اورپبلک اسپیکنگ کا مادہ پیدا ہوگا۔

بھارت ایکسپریس اردو-

Nisar Ahmad

Recent Posts

Rani Lakshmibai Birth Anniversary: رانی لکشمی بائی کی یوم پیدائش پر وزیر اعظم مودی اور امت شاہ نے پیش کیا خراج عقیدت

وزیر اعظم نے انہیں ہندوستان کی بہادر بیٹی قرار دیا، امت شاہ نے کہا کہ…

15 minutes ago

Naturopathy Day: نیچروپیتھی ڈے کے موقع پر ملک بھر میں نشہ مکت بھارت مہم کا آغاز، 5 ہزار آروگیہ کیمپ لگانے کا اعلان

نیچروپیتھی ڈے کے موقع پر INO-سوریا فاؤنڈیشن نے نشہ مکت بھارت قومی مہم کا آغاز…

54 minutes ago

Adani Energy Solutions Bihar Project: اڈانی انرجی سولیوشنز نے بہار میں ٹرانسمیشن پروجیکٹ حاصل کیا، 2400 میگاواٹ بجلی کی ترسیل کا ہوگا انتظام

پیرپینتی میں اڈانی پاور کے زیر تعمیر الٹرا سپر کریٹیکل تھرمل پاور پلانٹ سے بجلی…

54 minutes ago

Impact of ‘Akwan’ in West Bengal: مغربی بنگال میں سمندری طوفان ’اکوان‘ کا اثر، کولکاتا سمیت کئی اضلاع میں بارش

تازہ معلومات کے مطابق، ’اکوان‘ 12 کلومیٹر فی گھنٹہ کی رفتار سے شمال کی جانب…

1 hour ago

IND vs NZ 1st Test: ویلنگٹن ٹیسٹ میں امپائرنگ پر تنازع، گلین فلپس کے فیصلے پر کپتان شبھمن گل ناراض

پہلے ٹیسٹ کے ابتدائی دن گلین فلپس کے خلاف ڈی آر ایس فیصلے پر تنازع…

1 hour ago