اکشے کمار، سانیا ملہوترا سے لے کر جھانوی کپور تک ان بالی ووڈ ستاروں نے اپنا ووٹ کاسٹ کیا،جانئے نوبجے تک کہا ں کتنی ووٹنگ ہوئی؟
لوک سبھا انتخابات 2024 کا پانچواں مرحلہ جاری ہے، جس کی وجہ سے ممبئی میں ووٹنگ کا عمل شروع ہو گیا ہے۔ جمہوریت میں اپنی شرکت کو یقینی بناتے ہوئے اور اپنے ملک کے لیے اپنی ذمہ داریاں نبھاتے ہوئے، فلملی ستاروں نے ممبئی میں ووٹنگ کے عمل میں حصہ لیا۔ اس میں اکشے کمار، راجکمار راؤ سے لے کر جھانوی کپور تک سبھی کو ووٹ دیتے ہوئے دیکھا گیا، جس کی ویڈیو سوشل میڈیا پر وائرل ہو رہی ہے۔ جب کہ وہیں شائقین ردعمل دیتے نظر آ رہے ہیں۔
پانچویں مرحلے میں کہاں اور کتنی ووٹنگ ہوئی ؟
لوک سبھا انتخابات کے 5ویں مرحلے میں 49 سیٹوں کے لیے ووٹنگ جاری ہے۔ الیکشن کمیشن کے مطابق 9 بجے تک سب سے زیادہ ٹرن آؤٹ مغربی بنگال میں 15.35 فیصد رہا۔ اس کے علاوہ یوپی میں 12.89فیصد، جھارکھنڈ میں 11.68فیصد، لداخ میں 10.51فیصد، بہار میں 8.86فیصد، جموں و کشمیر میں 7.63فیصد، اڈیشہ میں 6.87فیصد اور مہاراشٹر میں 6.33فیصد ووٹنگ ہوئی۔
اداکارہ جھانوی کپور اپنا ووٹ کاسٹ کرنے ممبئی کے پولنگ بوتھ پہنچ گئیں۔ اس دوران انہوں نے سب سے اپیل کی کہ وہ گھروں سے باہر نکلیں اور اپنا ووٹ ڈالیں۔
بالی ووڈ کی مشہور اداکارہ سانیا ملہوترا نے بھی صبح سویرے ممبئی میں اپنا ووٹ کاسٹ کیا۔
راجکمار راؤ جو ان دنوں فلم سری کانت کی وجہ سے خبروں میں ہیں۔ وہ بھی اپنا ووٹ ڈالنے پہنچے اور میڈیا سے بات کرتے نظر آئے۔
اس کے علاوہ اداکار اکشے کمار بھی ووٹ کاسٹ کرنے ممبئی پہنچ گئے۔
اداکار فرحان اختر اور ان کی بہن زویا اختر ممبئی کے پولنگ اسٹیشن پہنچے اور اپنا ووٹ کاسٹ کیا۔
بھارت ایکسپریس
ہندوستان کی پیٹرو کیمیکل صنعت کو عالمی حد سے زیادہ گنجائش سے مقابلہ کا سامنا…
کیرالہ کے وزیر صنعت نے کہا کہ ان کی حکومت آئندہ ماہ انویسٹ کیرالہ گلوبل…
آئی ڈی ایس اے کے مطابق شمال مشرقی خطے کی دیگر سات ریاستیں کل فروخت…
امانت اللہ خان نے دہلی میں جاری بلڈوزر کارروائی کے خلاف احتجاج بھی کیا تھا…
ایجنسی نے اپنی رپورٹ میں کہا کہ "مجموعی توانائی کے مکس میں قابل تجدید ذرائع…
تقریب کے دوران، عہدیداروں نے اسپورٹس فار آل فاؤنڈیشن کے تعاون کی تعریف کی، جو…