11th Online Customer Satisfaction Survey – 2025: دہلی میٹرو میں لی جائے گی مسافروں کی رائے ، 15 جولائی سے کسٹمر سیٹسفیکشن سروے ہوگا شروع

دہلی میٹرو اپنے مسافروں کی رائے جاننے کے لیے تیار ہے۔ 15 جولائی (منگل) سے لے کر 14 اگست (جمعرات) 2025 تک “11واں آن لائن کسٹمر سیٹسفیکشن سروے – 2025” منعقد کیا جائے گا۔ اس ایک ماہ پر محیط سروے کا مقصد میٹرو کی خدمات اور سہولیات کے بارے میں مسافروں کی تسلی و اطمینان کا جائزہ لینا اور ان سے تجاویز حاصل کرنا ہے۔

جو مسافر اس سروے میں حصہ لینا چاہتے ہیں، وہ دہلی میٹرو کی سرکاری ویب سائٹ www.delhimetrorail.com پر جا کر ہوم پیج پر دیے گئے لنک پر کلک کر سکتے ہیں۔ سروے فارم انگریزی اور ہندی دونوں زبانوں میں دستیاب ہوگا۔

سروے میں درج ذیل 7 اہم نکات پر مسافروں سے فیڈبیک لیا جائے گا:

1. میٹرو کی دستیابی اور رسائی
2. مسافروں کو فراہم کی جانے والی سہولیات
3. معلوماتی نظام
4. خدمات کا معیار
5. کسٹمر سروس
6. میٹرو احاطے سے باہر کے انتظامات
7. تحفظ، آرام اور اعتماد

دہلی میٹرو انتظامیہ کا کہنا ہے کہ اس سروے سے انہیں یہ جاننے میں مدد ملے گی کہ مسافر میٹرو خدمات کے بارے میں کیا رائے رکھتے ہیں اور کن پہلوؤں میں بہتری کی ضرورت ہے۔

بھارت ایکسپریس اردو