دہلی کے وزیر اعلی اور عام آدمی پارٹی کے کنوینر اروند کیجریوال نے منگل کو سی پی آئی (ایم) کے جنرل سکریٹری سیتارام یچوری سے ملاقات کی۔ سی پی آئی (ایم) نے مرکز کے آرڈینن کے خلاف دہلی حکومت کو حمایت دینے کا فیصلہ کیا ہے۔ کیجریوال نے یچوری سے ملاقات کے دوران دہلی میں انتظامی خدمات(ایڈمنسٹریٹو سروسز) کو کنٹرول کرنے کے مرکز کے آرڈیننس کے خلاف ان کی حمایت مانگی۔ کجریوال فی الحال مرکز کے آرڈیننس کے خلاف حمایت حاصل کرنے کے لیے اپوزیشن لیڈروں سے رابطہ کر رہے ہیں۔
بتا دیں کہ اس معاملے پر کیجریوال نے سبھی اپوزیشن لیڈروں پر زور دے کر کہا ہے کہ وہ آرڈیننس کے خلاف ان کی حمایت کریں۔ تلنگانہ کے وزیر اعلی کے. چندر شیکھر راؤ، شیو سینا (یو بی ٹی) کے صدر ادھو ٹھاکرے، نیشنلسٹ کانگریس پارٹی کے سربراہ شرد پوار اور مغربی بنگال کی وزیر اعلیٰ ممتا بنرجی نے اس معاملے پر عام آدمی پارٹی کی حمایت کی ہے۔ کیجریوال نے گزشتہ ہفتے ان سبھی لیڈروں سے ملاقات کی تھی۔ دوسری جانب کیجریوال نے اسی معاملے پر کانگریس صدر ملکارجن کھرگے اور کانگریس کے سینئر لیڈر راہل گاندھی سے ملاقات کا وقت بھی مانگا ہے۔ تاہم اس معاملے پر کانگریس نے ابھی تک اپنا موقف واضح نہیں کیا ہے۔
آرڈیننس کے بارے میں بات کرتے ہوئے کہا گیا ہے کہ دہلی ہندوستان کا دارالحکومت ہے جو براہ راست صدر کے ماتحت ہے۔ ایسی صورت حال میں افسران کے تبادلے کا حق صدر کے پاس ہوگا۔ اس آرڈیننس کے مطابق دارالحکومت میں افسران کے تبادلے اور تقرری اب نیشنل کیپیٹل سول سروسز اتھارٹی (این سی سی ایس اے) کے ذریعے کی جائیں گی۔
اس آرڈیننس میں کہا گیا ہے کہ اس این سی سی ایس اے کے چیئرمین دہلی کے وزیر اعلیٰ ہوں گے، لیکن چیف سیکریٹری اور ہوم سیکریٹری اس کے رکن ہوں گے۔ چیف سکریٹری اور ہوم سکریٹری کی تقرری مرکزی حکومت کرے گی۔ افسران کی تقرری کے سلسلے میں این سی سی ایس اے لیفٹیننٹ گورنر کو منظوری دے گا اور اگر افسران کے تبادلے اور تقرری میں کوئی تنازعہ ہے تو دہلی کے ایل جی کا حتمی فیصلہ درست ہوگا۔
بھارت ایکسپریس۔
جونیئر ڈاکٹرز نے جمعہ 20 ستمبر سے سوستھیا بھون اور کولکتہ میں جاری احتجاج ختم…
شیخ حسینہ کے بارے میں فی الحال بتایا جا رہا ہے کہ وہ ہندوستان کے…
جمعیۃ علماء ہند کے صدر مولانا محمود اسعد مدنی نے مرکزی وزیر مملکت سنجے بندی…
امیتابھ بچن اور جیا بچن کی شادی 1973 میں ہوئی تھی، لیکن کیا آپ جانتے…
چنئی ٹسٹ کے پہلے دن آراشون نے سنچری لگائی۔ اشون نے نمبر-8 پراترکر سنچری لگائی۔…
آئی ڈی ایف نے ٹویٹر پر ایک پوسٹ میں کہا کہ "ہم اس وقت لبنان…