Agra: چین سے لوٹے نوجوان میں کورونا کی تصدیق، تاج نگری میں پہلا کیس  سامنے آیا

اتر پردیش کے تاج نگری یعنی آگرہ میں کورونا کا پہلا کیس سامنے آیا ہے۔ چین سے واپس آنے والے اس نوجوانوں میں کورونا کی تصدیق ہوئی ہے۔ بتایا جا رہا ہے کہ نوجوان دو دن پہلے چین سے واپس آیا تھا۔ جس کے بعد 40 سالہ  اس نوجوان کا پرائیویٹ لیب میں کورونا ٹیسٹ کرایا گیا۔ نوجوان کی کورونا رپورٹ پازیٹو آئی ہے۔ جس کے بعد محکمہ صحت کی ٹیم نوجوان کے گھر پہنچ گئی۔  آگرہ کے شاہ گنہ کا  رہنے والا 40 سالہ نوجوان چین سے 23 دسمبر کو واپس اپنے گھر آیا تھا۔

نوجوانوں کے ساتھ رابطے میں آنے والے مزید افراد سے بھی تفتیش کی جائے گی۔بیرون ملک سے واپس آنے والے افراد کی سات دن تک نگرانی کی جائے گی۔ بیرن ملک سے واپس آنے والے افراد کو گھر سے الگ تھلگ رکھا جائے گا۔ اگر اس دوران نزلہ، زکام اور بخار کی علامات پائی گئیں تو اس کا کورونا ٹیسٹ کرایا جائے گا۔

کورونا کے بڑھتے کیسز کے پیش نظر وزارت صحت نے ایڈوائزری جاری کی ہے۔ کہا گیا ہے کہ تمام ریاستوں کو چاہیے کہ وہ کورونا سے متاثرہ مریضوں کی زیادہ سے زیادہ جینوم سیکوینسنگ کرائیں، تاکہ مختلف حالتوں کا پتہ چل سکے۔ اس کے علاوہ ایئرپورٹس پر بیرون ملک سے آنے والے مسافروں کی رینڈم چیکنگ کے احکامات بھی دیے گئے ہیں۔ گجرات میں کورونا وائرس کے دو نئے کیسز اور اڈیشہ میں ایک مریض میں BF.7 ویریئنٹ کی تصدیق ہوئی ہے۔ گجرات میں ایک 61 سالہ این آر آئی خاتون کی رپورٹ کووڈ پازیٹیو پائی گئی ہے۔ اس عورت کو ویکسین کی تینوں خوراکیں دی جا چکی تھیں۔

اعدادوشمار کے مطابق 22 دسمبر 2022 تک ہندوستان میں120 کروڑ سے زیادہ لوگوں کو ویکسین کی پہلی خوراک دی جا چکی ہے۔ ساتھ ہی اس کی دوسری خوراک کے لیے 103 کروڑ سے زیادہ شاٹس دیے گئے ہیں۔ پچھلے 10-11 مہینوں میں، صرف 22 کروڑ لوگوں کو ان کی خوراک ملی ہے جب ماہرین نے Omicron ویرینٹ کی آمد پر بوسٹر خوراک کی ضرورت بتائی ہے۔