Bihar Politics:جے ڈی یو کے وزیر نے نتیش کمار کا موازنہ مہاتما گاندھی سے کیا، بی جے پی نے کہا، ہم ایک جھونپڑی بنانے کے لئے ہیں تیار

ریاست بہار کے سماجی بہبود کے وزیر مدن ساہنی نے وزیر اعلیٰ نتیش کمار کا موازنہ مہاتما گاندھی سے کیا ہے۔ مدن ساہنی نے کہا کہ جو لوگ یہ کہہ رہے ہیں کہ ان میں وزیر اعظم بننے کی تمام اہلیتیں ہیں، یہ صرف یونہی نہیں کہا جارہا ہے۔ انہوں نے کہا کہ  جب ملک آزاد ہوا تو بہت سی عظیم شخصیات نے حصہ لیا  تھا لیکن جواہر لعل نہرو وزیر اعظم بنے اور مہاتما گاندھی جنہیں  آج ’فادر آف نیشن مہاتما گاندھی’ کہا جاتا ہے۔ وہ اس لئے کیونکہ ملک کے مفاد اور ملک کو آزاد کرانے میں ان کا غیر معمولی رول تھا  اور وزیر اعلیٰ نتیش کمار کا کردار بھی ان سے کم نہیں ہے۔

سمراٹ نے کہا- نتیش حکومت کے لیے کچھ بھی کر سکتے ہیں

مدن ساہنی کے اس بیان پر بی جے پی حملہ آور ہے۔ بہار بی جے پی کے ریاستی صدر سمراٹ  چودھری نے کہا کہ نتیش کمار حکومت  کے لیے کچھ بھی کر سکتے ہیں۔ 2002 میں جب نتیش کمار سات دن کے لیے وزیر اعلیٰ بنے تو انہوں نے کہا تھا کہ اب میں دہلی نہیں جاؤں گا، لیکن پھر 15 دن کے بعد وہ چلے گئے۔ وہ ایم ایل اے، ممبر پارلیمنٹ، مرکزی وزیر رہے ہیں، لیکن پھر بھی وزیر اعلیٰ ہیں۔ اگر وہ کہتے کہ میں وزیر اعلیٰ کے عہدے پر نہیں رہوں گا تو کوئی مسئلہ نہیں تھا۔ نتیش نے کہا تھا کہ وہ جھونپڑی بنا کر رہیں گے، لیکن جائیں گے کب؟ میں ان کے لیے ایک جھونپڑی بنانے کے لیے تیار ہوں۔

دوسری طرف جے ڈی یو کے قومی جنرل سکریٹری کے سی تیاگی نے بیان دیا ہے کہ نتیش کمار، راہل گاندھی، ممتا بنرجی اور شرد پوار سبھی میں وزیر اعظم بننے کی صلاحیت ہے۔ جہاں تک نتیش کمار کے وزیر اعظم یا کنوینر بننے کا تعلق ہے، ہم اس کے بانی ہیں، یہ ہمارے لیے بڑی بات ہے۔

کے سی تیاگی نے کہا  2024 کا الیکشن ہمارے لیے تمام عہدوں سے بڑھ کر ہے

کے سی تیاگی نے یہ بھی کہا کہ نتیش کمار کے پاس وزیر اعظم کے عہدے کے ساتھ ساتھ کنوینر کے لیے بھی کافی قابلیت ہے، جو ہونی چاہیے۔ وہ 16 سالوں سے  بہار کے وزیر اعلیٰ ہیں۔  ایمرجنسی کے دوران 19 ماہ تک جیل میں رہے۔ اٹل بہاری واجپئی کی قیادت والی حکومت میں چھ اہم محکموں کے مرکزی وزیر رہے ہیں، لیکن ان سب عہدوں سے بڑھ کر ہمارے پاس 2024 کے انتخابات ہیں۔ ہم نہ تو وزیراعظم کے عہدے کے دعویدار ہیں اور نہ ہی کنوینر کے عہدے کے۔