UP Lok Sabha Election 2024: لوک سبھا الیکشن سے پہلے اکھلیش یادو نے دی بریکنگ نیوز، بڑھ سکتی ہے بی جے پی کی پریشانی ،

لوک سبھا انتخابات سے قبل  سماج وادی پارٹی کے قومی صدر اکھلیش یادو نے بڑا دعویٰ کیا ہے۔ ایس پی سربراہ اکھلیش یادو نے دعویٰ کیا ہے کہ بی جے پی یوپی میں اپنے تمام موجودہ ممبران پارلیمنٹ کے ٹکٹ منسوخ کرنے جا رہی ہے۔ اس کے ساتھ ہی اکھلیش یادو نے کہا کہ بی جے پی  کے ارکان پارلیمنٹ  نے کبھی اپنے حلقوں کی طرف نہیں دیکھا۔

ایس پی سربراہ اور اتر پردیش کے سابق وزیر اعلی اکھلیش یادو نے ٹویٹر پر لکھا – “بریکنگ نیوز، ذرائع کے حوالے سے یہ معلوم ہوا ہے کہ بی جے پی اتر پردیش میں ایک کو چھوڑ کر اپنے تمام موجودہ ممبران پارلیمنٹ کے ٹکٹ منسوخ کرنے جا رہی ہے، لیکن سنا ہے کہ وہ بھی  اپنی سیٹ تبدیل کرنا یا کسی دور دراز علاقے میں محفوظ سیٹ کی تلاش میں ہیں۔”

اکھلیش یادو نے مزید لکھا – “یہی وجہ ہے کہ بی جے پی اتر پردیش میں لوک سبھا انتخابات 2024 کے لیے اپنے امیدواروں کے ناموں کا اعلان کرنے کی پوزیشن میں نہیں ہے کیونکہ ان کے موجودہ ممبران پارلیمنٹ نے اپنی جیبیں بھرنے کے علاوہ کوئی کام نہیں کیا ہے۔ یہی وجہ ہے کہ عوام بی جے پی اور بی جے پی ارکان پارلیمنٹ کے خلاف کافی برہم ہے، ان نامساعد حالات کے پیش نظر بی جے پی میں نئے امیدواروں کی تلاش جاری ہے لیکن کوئی ہارنے کے لیے لڑنا نہیں چاہتا، یہی وجہ ہے کہ ایک بھی امیدوار کا نام سامنے  نہیں آیا ہے۔

ایس پی سربراہ نے مزید لکھا کہ  – “بی جے پی ممبران پارلیمنٹ نے کبھی اپنے حلقوں کی طرف مڑ کر نہیں دیکھا، اگر انہوں نے امتحان نہیں دیا تو رپورٹ کارڈ کیسے بنے گا، بی جے پی کا ٹکٹ کاٹنے سے پہلے عوام نے خود ہی ان کا نام اپنے ذہن سےنکال دیا ہے۔ اس بار ان کی بی جے پی پارلیمانی حلقوں میں لوگوں کو داخلہ نہیں ملے گا، اس بار اتر پردیش کے لوگ محض باتیں کرنے والوں کو نہیں بلکہ سچے اور اچھے کام کرنے والے لوگوں کو منتخب کریں گے۔ اب پی ڈی اے کا اتحاد جاگ گیا ہے، بی جے پی یوپی چھوڑ کر بھاگ گئی ہے۔”