Bangalore: ایئر ہوسٹس چوتھی منزل سے گر کر جاں بحق، بوائے فرینڈ گرفتار، ڈیٹنگ ایپ سے ہوئی تھی محبت

Bangalore: کرناٹک کے دارالحکومت بنگلورو سے ایک دردناک واقعہ سامنے آیا ہے۔ میٹروپولیٹن میں ایک عمارت سے گر کر ایئر ہوسٹس کی موت ہو گئی۔ ہفتہ کو پیش آئے اس واقعہ کے بعد پولیس موقع پر پہنچی اور معاملے کی جانچ شروع کردی۔ بتایا جا رہا ہے کہ ایئر ہوسٹس کی موت چوتھی منزل سے گرنے سے ہوئی ہے۔

پولیس نے کیا ایئر ہوسٹس کے بوائے فرینڈ کو گرفتار

پولیس نے ایئر ہوسٹس کے چوتھی منزل سے گر کر ہلاکت کے الزام میں اس کے بوائے فرینڈ کو گرفتار کر لیا ہے۔ ہلاک ہونے والی ایئر ہوسٹس کی شناخت ارچنا دھیمان کے نام سے ہوئی ہے جس کی عمر 28 سال بتائی جا رہی ہے۔

دبئی سے بنگلور ائی تھی متوفی

پولیس کی جانب سے اس معاملے کی ابتدائی تحقیقات میں معلوم ہوا ہے کہ ارچنا کچھ دن پہلے ہی دبئی سے بنگلور آئی تھی۔ یہاں وہ بنگلورو کے کورومنگلا علاقے میں ایک فلیٹ میں آدیش نامی نوجوان کے ساتھ رہ رہی تھی۔ موصولہ اطلاعات کے مطابق دونوں کی ملاقات ڈیٹنگ ایپ پر ہوئی تھی۔ اس دوران دونوں کی محبتیں بڑھنے لگیں۔ لیکن تحقیقات کے دوران یہ بات سامنے آئی ہے کہ ارچنا اور اس کے انجینئر بوائے فرینڈ کے درمیان پچھلے کچھ دنوں سے کچھ جھگڑا چل رہا تھا۔

رات کو ایک ساتھ پیتے تھے شراب

پولیس کی تفتیش میں یہ بات بھی سامنے آئی ہے کہ دونوں کے تعلقات کچھ دنوں سے ٹھیک نہیں چل رہے تھے۔ وہیں واقعہ سے پہلے دونوں نے رات کو ایک ساتھ شراب پی تھی۔ پولیس کو اپنے بیان میں ارچنا کے بوائے فرینڈ آدیش نے کہا کہ شراب پینے کے بعد ارچنا کا پاؤں پھسل گیا اور وہ اپنے فلیٹ کی بالکونی سے نیچے گر گئی۔ اس کے بعد ارچنا کو فوری طور پر قریبی اسپتال لے جایا گیا۔ جہاں اس کی موت کی تصدیق ہو گئی۔

پولیس نے قتل کا مقدمہ درج کرلیا

پولیس نے اس معاملے میں قتل کا مقدمہ درج کر کے تفتیش شروع کر دی ہے۔ ایئر ہوسٹس ارچنا کی پوسٹ مارٹم رپورٹ آنے کے بعد پولیس مزید کارروائی کرے گی۔

-بھارت ایکسپریس