عمران پرتاپ گڑھی کے”ترجمان“ بن کر راجستھان پہنچے عدنان اشرف، اقلیتوں کو درپیش مسائل پر کریں گے بات

نئی دہلی: آل انڈیا کانگریس کمیٹی اقلیتی شعبہ کے میڈیا انچارج اوراے آئی سی سی تلنگانہ کوآرڈینیٹرسید عدنان اشرف ان دنوں راجستھان کے دورے پرہیں۔ راجستھان کے سوائی مادھوپورپہنچے عدنان اشرف نے کہا کہ جب سے راجستھان میں بی جے پی کی حکومت بنی ہے، راجستھان کی ترقی مکمل طورپررک گئی ہے۔ اس سے پہلے سابق وزیراعلیٰ اشوک گہلوت کے دورمیں راجستھان نے جس طرح ترقی کی نئی جہتیں چھوئی تھیں وہ آج نظرنہیں آرہی ہے۔

کانگریس لیڈرعدنان اشرف نے کہا کہ کانگریس کی اعلیٰ قیادت اوراقلیتی شعبہ کے قومی صدر عمران پرتاپ گڑھی کے حکم کے مطابق، وہ اورمدھیہ پردیش کے انچارج لیاقت گڈی راجستھان کی تمام اقلیتوں، خواہ وہ سکھ، مسلم، جین، عیسائی، الگ الگ ملاقات کررہے ہیں اور موجودہ حکومت کے تحت اقلیتوں کودرپیش مسائل سے کانگریس کی اعلیٰ قیادت کوآگاہ کریں گے۔ اسی سلسلے میں عدنان اشرف اورلیاقت گڈی ان کے ساتھ سول لائنزجے پورمیں راجستھان مدرسہ بورڈ کے چیئرمین دیوان چوپدارکی رہائش گاہ پہنچے اوروہاں دیوان چوپدار نے اپنے حامیوں کے ساتھ استقبال کیا اور انہیں ریاست کے کئی سنگین مسائل سے آگاہ کیا۔

انہوں نے دیوان چوپدارکوراجستھان کانگریس اقلیتی ڈپارٹمنٹ کا صدر بنائے جانے پر مبارکباد دی اورلوگوں سے خطاب کرتے ہوئے کہا کہ عمران پرتاپ گڑھی کا پیغام ایک تقریرکے ذریعہ سب کو پہنچا دیا گیا ہے کہ جس امید کے ساتھ کانگریس صدرملکارجن کھڑگے، قائد حزب اختلاف راہل گاندھی، کانگریس اقلیتی شعبہ کے چیئرمین عمران پرتاپ گڑھی نے انہیں مبارکباد دی ہے۔ اقلیتی محکمہ کے صدر، ان کی توقعات پرپورا اتریں گے اورتمام طبقات کو ساتھ لے کران کی ترقی کے لیے کام کریں گے اوراقلیتوں کے ہرمسئلے پرکام کریں گے، کسی بھی مسئلے کونظراندازنہیں کریں گے۔

اس دوران کانگریس لیڈرعدنان اشرف نے قائد حزب اختلاف ٹیکا رام جولی، قانون سازاسمبلی میں چیف وہپ ایم ایل اے رفیق خان، ایم پی بھجن لال جاٹو (سابق پی ڈبلیوڈی منسٹر) اورسینئرایم ایل اے گھنشیام مہرمینا سے ملاقات کی اوران کے ساتھ راجستھان حکومت کے سابق وزیر مملکت نظام قریشی اورمدھیہ پردیش کے مرکزی انچارج لیڈی بھی موجود تھے۔