Naxalites’ IED blast in Chaibasa, Jharkhand: جھارکھنڈ کے چائی باسا میں نکسلیوں کے آئی ای ڈی دھماکے میں ایک فوجی جاں بحق، متعدد زخمی

جھارکھنڈ کے چائی باسا میں نکسلیوں کے ذریعہ کئے گئے آئی ای ڈی دھماکے میں سی آر پی ایف کی کوبرا بٹالین کا ایک سپاہی جاں بحق اور کئی دیگر زخمی ہوئے ہیں ۔ ان میں سے تین شدید زخمی فوجیوں کو علاج کے لیے ہوائی جہاز سے رانچی لے جایا گیا ہے۔ یہ واقعہ مغربی سنگھ بھوم ضلع کے انتہائی نکسل متاثرہ ٹونٹو تھانہ علاقے میں سرجمبورو اور تمباہاکا گاؤں کے قریب پیش آیا۔ پچھلے 50 دنوں کے اندر اس ضلع میں نکسلیوں کے ذریعہ بارودی سرنگ کے دھماکے میں تین فوجیوں سمیت چار لوگوں کی موت ہو گئی ہے۔

بتایا گیا کہ سی آر پی ایف کوبرا کی 209ویں بٹالین کے جوان نکسلیوں کے خلاف کومبنگ آپریشن پر گئے ہوئے تھے۔ اس دوران پہاڑی کے قریب ایک زبردست آئی ای ڈی دھماکہ ہوا۔ تقریباً نصف درجن فوجی فٹ بال کی طرح ہوا میں اڑ گئے۔ ایک فوجی اپنی دونوں ٹانگیں کھو بیٹھے ہیں۔

انسپکٹر بھوپیندر کمار اور کانسٹیبل راجیش کمار بھی زخمیوں میں شامل ہیں۔ ایک  سپاہی کے جاں بحق ہونے کی خب ہے۔ اگرچہ سرکاری طور پر اس کی تصدیق نہیں ہوئی ہے۔ پچھلے مہینے 14 اگست کو نکسلیوں نے اسی ٹنٹو تھانہ علاقے میں سیکورٹی فورسز پر گھات لگا کر حملہ کیا تھا، جس میں ایک سب انسپکٹر اور جیگوار فورس کا ایک سپاہی شہید ہو گیا تھا۔

اسی طرح 13 ستمبر کو نکسلیوں نے کولہان جنگل میں آئی ای ڈی دھماکہ کرکے سی آر پی ایف کے سامان لے جانے والے ایک ٹریکٹر کو اڑا دیا تھا، جس میں ٹریکٹر کا ڈرائیور مارا گیا تھا، جب کہ ڈرائیور شدید طور پر زخمی ہوا تھا۔