Maharashtra Crime News: سگریٹ پی رہی لڑکی نے 4 بیٹیوں کے باپ کو چھرا گھونپ کر موت کے گھاٹ اتارا، گھورنے کا لگایا الزام

Maharashtra Crime News: مہاراشٹر کے ناگپور سے بڑی خبر آ رہی ہے۔ یہاں ایک 24 سالہ لڑکی نے چار بیٹیوں کے باپ پر گھورنے کا الزام لگاتے ہوئے چاقو سے حملہ کر دیا۔ اس کے لیے اس نے اپنے ساتھیوں کی مدد بھی لی۔ یہ پورا واقعہ سی سی ٹی وی میں قید ہو گیا ہے، جس میں لڑکی خود اس شخص پر چاقو سے حملہ کرتی نظر آ رہی ہے۔ اس معاملے میں کارروائی کرتے ہوئے پولیس نے خاتون کے ساتھ ساتھ اس کے دو دوستوں کو بھی گرفتار کر لیا ہے۔ یہ واقعہ ہفتہ کی رات کو سامنے آیا۔

میڈیا ذرائع کے مطابق یہ قتل ناگپور کے مانیواڑا سیمنٹ روڈ پر ہوا۔ معلومات سامنے آئی ہیں کہ 24 سالہ لڑکی جے شری پنڈھارے پان کی دکان پر سگریٹ پی رہی تھی۔ اسی دوران 4 بیٹیوں کا باپ 24 سال کے رنجیت راٹھوڑ بھی پان کی دکان پر پہنچ گیا اور سگریٹ پینے لگا۔ لڑکی نے بتایا کہ اس دوران رنجیت اسے گھورنے لگا۔ تو وہیں اس واقعے کے حوالے سے پولیس کا کہنا ہے کہ یہ پورا واقعہ سی سی ٹی وی میں قید ہو گیا ہے۔ پولیس نے بتایا کہ جب رنجیت اسے گھور رہا تھا تو لڑکی نے اس پر اعتراض کیا اور اس بات کو لے کر دونوں کے درمیان جھگڑا ہوا۔ اس دوران اس کی سہیلی سویتا سائرے بھی لڑکی کے ساتھ موجود تھی۔ پولیس نے بتایا کہ جب لڑکی نے مزاہمت کیا تو رنجیت نے اس کی ویڈیو بنانا شروع کر دی، جس میں لڑکی سگریٹ پیتے ہوئے اس کے ساتھ بدسلوکی بھی کر رہی ہے۔ پھر رنجیت نے بھی اسے گالیاں دینا شروع کر دیں۔

یہ بھی پڑھیں: نینی تال میں خوفناک سڑک حادثہ، تیز رفتار میکس کار کھائی میں جاگری، 8 لوگوں کی موت

بیئر پیتے وقت پیچھے سے چاقو سے کیا حملہ

پولیس نے بتایا کہ جانچ میں پتہ چلا ہے کہ پان کی دکان سے نکلنے کے بعد رنجیت مہالکشمی نگر پہنچا اور وہاں بیئر پینے لگا۔ دوسری طرف لڑکی نے اپنے دوستوں آکاش راوت اور جیتو جادھو کو بلایا اور پھر بیئر پی رہے رنجیت پر چاقو سے حملہ کر دیا جس کی وجہ سے اس کی موت ہو گئی۔ یہ واقعہ سی سی ٹی وی میں قید ہو گیا، جس میں صاف نظر آ رہا ہے کہ لڑکی رنجیت پر بھی چاقو سے حملہ کر رہی ہے۔ انسپکٹر کیلاش دیشمانے نے بتایا کہ واقعہ کے بعد چاروں افراد موقع سے فرار ہو گئے تھے لیکن تلاش کے بعد پولیس نے جلد ہی جے شری کو اس کے دوستوں سویتا اور آکاش کے ساتھ گرفتار کر لیا۔ جیتو کی تلاش ابھی بھی جاری ہے۔ اس معاملے میں پولیس نے رنجیت کے فون اور سی سی ٹی وی فوٹیج کو بطور ثبوت محفوظ کر لیا ہے اور مزید قانونی کارروائی شروع کر دی ہے۔

بھارت ایکسپریس۔