North Sikkim :شمالی سکم میں بڑا حادثہ، فوجی ٹرک کے کھائی میں گرنے سے 16 فوجی شہید

شمالی سکم میں جمعہ کو ہندچین سرحد کے قریب ایک فوجی گاڑی کے سڑک سے پھسل کر کھائی میں گرنے سے سولہ فوجی اہلکار ہلاک ہو گئے۔ اس حادثے میں چار جوان زخمی بھی ہوئے ہیں۔ ایک سینئر پولیس افسر کے مطابق، زخمیوں کو ہوائی جہاز سے شمالی بنگال کے ایک فوجی اسپتال منتقل کیا گیا ہے۔ جہاں اس کا علاج جاری ہے۔معلومات کے مطابق یہ حادثہ ریاست کے دارالحکومت گنگٹوک سے تقریباً 130 کلومیٹر دور لاچین سے تقریباً 15 کلومیٹر دور جیما 3 میں صبح 8 بجے کے پیش آیا۔

چنگتھانگ سب ڈویژنل پولیس آفیسر (ایس ڈی پی او) ارون تھتل نے بتایا کہ فوج کی گاڑی 20 افراد کے ساتھ سرحدی چوکیوں کی طرف جارہی تھی۔ گاڑی سڑک  3 کے علاقے سے پھسل گئی اور ایک گھاٹی میں گر گئی۔ جائے حادثہ سے 16 لاشیں نکال لی گئی ہیں۔ لاچین کی ایک پولیس ٹیم  حادثہ کی جگہ پرموجودتھی۔ چار زخمی فوجی اہلکاروں کی حالت تشویشناک ہے۔ شہید فوجیوں کی لاشوں کو پوسٹ مارٹم کے لیے گنگٹوک کے سرکاری ایس ٹی این ایم اسپتال لے جایا جا رہا ہے اور بعد میں انہیں فوج کے حوالے کر دیا جائے گا۔ انہوں نے کہا کہ ابھی تک مقتولین کی رجمنٹ کا سراغ نہیں مل سکا ہے۔ پولیس کے مطابق آرمی کی گاڑی راستے میں فوجی اہلکاروں کو  ان کی منزل کی طرف  لے جا رہی تھی۔

وزیر دفاع نے گہرے دکھ کا اظہار کیا

وزیر دفاع راج ناتھ سنگھ نے کہا ہے کہ شمالی سکم میں سڑک حادثے میں ہندوستانی فوج کے جوانوں کی موت  پر انہیں بہت دکھ ہے۔ ان کی خدمات اور عزم پر قوم ان کی تہہ دل سے مشکور ہے۔ سوگوار خاندانوں  سے میں  تعزیت کی ، انہوں نے زخمیوں کی جلد صحت یابی کے لیے دعا کی۔