سکیش چندر شیکھر کی ساتھی پنکی ایرانی کی ضمانت عرضی پر دہلی ہائی کورٹ نے دہلی پولیس کو نوٹس جاری کیا ہے۔
دہلی ہائی کورٹ نے ٹھگ سکیش چندر شیکھر کے قریبی ساتھی پنکی ایرانی کی درخواست ضمانت پردہلی پولیس سے جواب طلب کیا ہے۔ پنکی ایرانی نے 200 کروڑ روپئے کے جبراً وصولی کے معاملے میں ضمانت کی درخواست دائرکی ہے۔
عدالت نے پولیس سے طلب کیا جواب
جسٹس دنیش کمار شرما کی بنچ نے پنکی ایرانی اور جیل کے ملازم سنیل کمارکی الگ الگ ضمانت کی درخواستوں پر دہلی پولیس کے اقتصادی جرائم ونگ (ای او ڈبلیو) کو نوٹس جاری کرتے ہوئے سماعت 23 مئی تک ملتوی کر دی ہے۔ اب آئندہ سماعت 23 مئی کو ہوگی۔
دہلی پولیس نے وقت مانگا
عدالت نے دہلی پولیس کو بھی اسٹیٹس رپورٹ داخل کرنے کا حکم دیا۔ سماعت کے دوران دہلی پولیس نے کہا کہ اس معاملے میں بہت سارے دستاویزات برآمد ہوئے ہیں۔ اس طرح اسٹیٹس رپورٹ داخل کرنے کے لئے 4 ہفتے کا وقت دیا گیا۔ پنکی ایرانی اور سنیل کمار دونوں نے نچلی عدالت کے حکم کو ہائی کورٹ میں چیلنج کیا ہے۔ عدالت میں پنکی ایرانی کی طرف سے پیش ہونے والے وکیل نے کہا کہ انہیں 30 نومبر 2022 کو ممبئی سے گرفتارکیا گیا تھا اورتب سے وہ زیرحراست ہیں اورعدالت سے درخواست کی کہ انہیں ضمانت دی جائے۔
پنکی ایرانی نے جرم میں ادا کیا اہم کردار
ای او ڈبلیونے ٹرائل کورٹ کے سامنے دائراپنی ضمنی چارج شیٹ میں الزام لگایا ہے کہ ایرانی نے سکیش چندرشیکھر کو بالی ووڈ اداکارہ جیکلین فرنانڈیزسے ملوایا تھا اوران سے 200 کروڑ روپئے کی خورد برد میں اہم کردارادا کیا تھا۔ چارج شیٹ میں الزام لگایا گیا ہے کہ پنکی ایرانی اپنے ساتھی سکیش چندر شیکھر کو ایک بزنس ٹائیکون سے ملواتے تھے اور بالی ووڈ کی کچھ شخصیات کے ساتھ ان کی ملاقاتوں میں مدد کرتے تھے۔ ساتھ ہی ضمنی چارج شیٹ میں پولیس نے کہا کہ اس چارج شیٹ میں بالی ووڈ اداکارہ جیکلین فرنانڈیز اورنورا فتحی سمیت کئی لوگوں کے بیانات درج کئے گئے ہیں۔
سرکاری افسر بن کردھوکہ دہی کا الزام
قابل ذکر ہے کہ دہلی کی منڈاؤلی جیل میں بند مجرم سکیش چندر شیکھر پر فورٹس ہیلتھ کیئر کے سابق پروموٹرشیویندرموہن سنگھ کی بیوی ادیتی سنگھ جیسے ہائی پروفائل لوگوں سمیت کئی لوگوں کو دھوکہ دینے اورکروڑوں کی دھوکہ دہی کا الزام ہے۔ پولیس نے ٹھگ پرالزام لگایا ہے کہ سکیش اوراس کے ساتھیوں نے مبینہ طور پرادیتی کوسرکاری اہلکار ظاہر کرکے اوراس کے شوہر کی ضمانت دلانے کا وعدہ کر کے پیسے لئے، جو منی لانڈرنگ کیس میں جیل میں بند ہے۔
سٹی پیلس کے دروازے بند ہونے پر وشوراج سنگھ کے حامیوں نے ہنگامہ کھڑا کر…
حالانکہ اترپردیش پولیس نے کہا کہ شاہی جامع مسجد کے صدر کو ثبوتوں کی بنیاد…
اشونی ویشنو نے کہا کہ مرکزی کابینہ نے 2750 کروڑ روپے کی لاگت سے اٹل…
کمیشن کا کہنا ہے کہ کلاسز آن لائن ہونے کی وجہ سے طلباء کی بڑی…
جمعیۃعلماء ہند کے صدرمولانا ارشدمدنی نے آندھرا اوربہارکے وزرائے اعلیٰ کوکھلے لفظوں میں یہ باور…
سنبھل میں کل ہوئے تشدد کے بعد آج صورتحال قابو میں ہے۔ یہاں پرانٹرنیٹ بند…