Khargone Bus Accident: مدھیہ پردیش کے کھرگون میں 50 فٹ اونچے پل سے دریا میں گری بس، 15 ہلاک

Khargone Bus Accident:  مدھیہ پردیش کے کھرگون ضلع میں ایک بڑا حادثہ پیش آیا ہے۔ یہاں ایک بس بے قابو ہو کر ندی کے پل سے نیچے گر گئی۔ اس حادثے میں 15 مسافروں کی موت ہو گئی ہے۔ اس کے ساتھ ہی بڑی تعداد میں مسافر زخمی ہوئے ہیں۔ معلومات کے مطابق، بس شریکھنڈی سے اندور کی طرف جا رہی تھی کہ بے قابو ہو کر بورڑ ندی کے پل سے نیچے گر گئی۔ یہ حادثہ کھرگون-ٹھیکری روڈ پر دسنگا کے قریب پیش آیا۔ اس حادثے میں 15 مسافروں کی موت ہو گئی ہے۔ پولیس افسر نے تصدیق کی۔ یہ واقعہ منگل کی صبح تقریباً 8.30 بجے پیش آیا۔

ضلعی انتظامیہ کے مطابق اس حادثے میں 15 افراد ہلاک ہوئے ہیں جن میں چھ مرد، چھ خواتین اور تین بچے شامل ہیں۔ زخمیوں کی تعداد 20 سے زائد ہے۔ سبھی کو علاج کے لیے اسپتال بھیجا جا رہا ہے۔

وزیر اعلی شیوراج سنگھ چوہان نے کھرگون میں بس حادثے پر تعزیت اور غم کا اظہار کیا ہے۔ اس کے ساتھ ساتھ کھرگون میں بس حادثے میں مرنے والوں کے لواحقین کو چار لاکھ روپے، شدید زخمیوں کو 50 ہزار، معمولی زخمیوں کو 25 ہزار اور زخمیوں کے مناسب علاج کے لیے چار لاکھ روپے دیے جائیں گے۔ علاج کا انتظام مدھیہ پردیش حکومت کرے گی۔

-بھارت ایکسپریس