India-Bangladesh Government Crisis: بنگلہ دیش اور شیخ حسینہ کو لے کر  ہندوستان کا  ایکشن پلان ، مرکز نے آل پارٹی میٹنگ میں اپوزیشن کو بتایا

بھارتی حکومت بنگلہ دیش میں بغاوت کے بعد کی صورتحال پر گہری نظر رکھے ہوئے ہے۔ مرکز نے ُکل جماعتی میٹنگ میں اپوزیشن لیڈروں کو یہ جانکاری دی۔ حکومت نے کہا کہ بنگلہ دیش میں اس وقت  13000 ہندوستانی ہیں۔ قابل ذکر بات یہ ہے کہ ملک کے حالات اتنے خراب نہیں کہ ہمارے شہریوں کو وہاں سے نکالنا پڑے۔

ذرائع کے مطابق مرکزی حکومت نے میٹنگ میں بتایا کہ ہم بنگلہ دیش کی ہر صورتحال پر گہری نظر رکھے ہوئے ہیں۔ جو بھی صورتحال ہوگی اپوزیشن کو اس سے آگاہ کیا جائے گا۔ وہاں سے تقریباً 8000 ہندوستانی طلباء واپس آچکے ہیں۔ ابھی باقی لوگوں کو نکالنے کی ضرورت نہیں ہے ،مرکزی حکومت نے کہا کہ شیخ حسینہ کے بارے میں ابھی کوئی فیصلہ نہیں کیا گیا ہے۔ اپوزیشن حکومت کے اقدامات سے مطمئن ہے۔

 ان رہنماؤں نے آل پارٹی اجلاس میں شرکت کی

ُکل جماعتی میٹنگ میں وزیر خارجہ جے شنکر پرساد نے حکومت کا رخ  پیش کیا۔ وزیر دفاع راج ناتھ سنگھ، وزیر داخلہ امت شاہ، راہل گاندھی، ایس پی رکن پارلیمنٹ رام گوپال یادو سمیت تمام اپوزیشن لیڈروں نے میٹنگ میں شرکت کی۔

جئے شنکر پرساد نے ٹویٹ کیا اور کہا کہ آل پارٹی میٹنگ میں بنگلہ دیش کی صورتحال پر جانکاری دی۔ جے شنکر نے اس معاملے میں اپوزیشن سے ملنے والے تعاون کی تعریف کی ہے۔
یہ بھی پڑھیں:شعلے، لوٹ مار اور توڑ پھوڑ، مشتعل افراد کی کھلی دہشت، بنگلہ دیش کے سابق کپتان کا گھر تباہ

یہ بھی پڑھیں:شیخ حسینہ کی پارٹی کے لیڈر کے ہوٹل میں آتشزدگی، 8 افراد کوزندہ جلایا ، 134 زخمی

راہل  گاندھی نے میٹنگ میں یہ سوالات پوچھے

میٹنگ میں راہل گاندھی نے سوال کیا کہ کیا بنگلہ دیش کی صورتحال میں غیر ملکی ہاتھ ہے؟ کیا ہندوستان کے پاس اس صورتحال کے حوالے سے کوئی طویل المدتی منصوبہ ہے؟ بنگلہ دیش کی نئی حکومت کے حوالے سے بھارت کا ایکشن پلان کیا ہوگا؟ اجلاس کے دوران دیگر جماعتوں نے بھی سوالات اٹھائے۔ قابل ذکر بات یہ ہے کہ اپوزیشن نے کہا کہ ہم اس معاملے پر حکومت کے ساتھ ہیں۔