Vande Bharat Express: بنگال میں 24 گھنٹوں میں دوسری بار وندے بھارت ٹرین پر پتھراؤ، …گرمائی سیاست

Vande Bharat Express: مغربی بنگال میں چند روز قبل شروع ہونے والی وندے بھارت ٹرین پر پتھراؤ کا واقعہ سامنے آیا ہے۔ پتھراؤ سے کوچ کے شیشیوں میں کریک پڑ گئے ہیں۔ حیرت کی بات یہ ہے کہ 24 گھنٹے کے اندر جلپائی گوڑی کے قریب وندے بھارت ٹرین پر پتھراؤ کا یہ دوسرا واقعہ ہے۔ ریلوے نے کسی کے زخمی ہونے کی تردید کی ہے۔ اس کے ساتھ ہی سی آر پی ایف نے اس معاملے میں نامعلوم لوگوں کے خلاف ایک اور مقدمہ درج کیا ہے، وہیں وندے بھارت پر پتھراؤ سے بنگال کی سیاست بھی گرم ہوگئی ہے۔ جہاں بی جے پی نے اس واقعہ کی این آئی اے تحقیقات کا مطالبہ کیا ہے وہیں ٹی ایم سی نے اسے مغربی بنگال کو بدنام کرنے کی سازش قرار دیا ہے۔

ریاست میں 24 گھنٹوں کے اندر یہ دوسرا واقعہ تھا۔ اس سے قبل پیر کو بھی ٹرین پر پتھراؤ کیا گیا تھا۔ پیر کو مالدہ کے کمار گنج اسٹیشن کے قریب وندے بھارت ٹرین پر پتھراؤ کا واقعہ پیش آیا ۔ رپورٹ کے مطابق پتھر لگنے سے ٹرین کے سی تیرہ کوچ کے گیٹ کے شیشہ میں کریک پڑ گئے ہیں ۔

وہیں منگل کو دوبارہ سے پتھر برسائے گئے ۔  جی آر پی پہلے ہی معاملے کی جانچ کر رہی ہے۔

وزیر اعظم نریندر مودی نے 30 دسمبر 2022 کو مغربی بنگال کی وزیر اعلیٰ ممتا بنرجی کی موجودگی میں ہاوڑہ اور نیو جلپائی گوڑی کو جوڑنے والی وندے بھارت ایکسپریس کو جھنڈی دکھا کر روانہ کیا تھا۔ ٹرین کو وزیر اعظم نے ویڈیو کانفرنسنگ کے ذریعے ہری جھنڈی دکھا کر روانہ کیاتھا۔ بھارت ایکسپریس ٹرین کے افتتاح کے موقع پر پی ایم نے کہا تھا کہ ملک کی آزادی کے ‘امرت مہوتسو’ میں ملک نے 475 ‘وندے بھارت ٹرینیں’ شروع کرنے کا عزم کیا تھا۔ اس دوران مغربی بنگال کی وزیر اعلیٰ ممتا بنرجی، مرکزی وزیر ریلوے اشونی وشنو اور دیگر رہنما ہاوڑہ کے پروگرام میں موجود تھے۔

یہ بھی پڑھیں: Vande Bharat Express :مغربی بنگال میں وندے بھارت ایکسپریس کے پروگرام میں ’جے شری رام‘  کی گونج، وزیر اعلیٰ ممتا بنرجی برہم

بی جے پی نے ٹی ایم سی پر الزام لگایا

مغربی بنگال کو حال ہی میں وندے بھارت سیمی ہائی اسپیڈ ایکسپریس ٹرین کا تحفہ ملا ہے۔ ہاوڑہ نیو جلپائی گوڑی ریل روٹ پر وندے بھارت کے چلنے کے بعد دوسری بار ٹرین پر پتھراؤ کا واقعہ سامنے آیا ہے، جس پر بی جے پی نے سخت ردعمل ظاہر کیا ہے۔ بی جے پی نے ٹی ایم سی کارکنوں پر وندے بھارت ٹرین پر پتھراؤ کرنے کا الزام لگایا۔

ٹی ایم سی نے بی جے پی پر جوابی حملہ کیا

بی جے پی کے الزامات کا جواب دیتے ہوئے ٹی ایم سی کے ترجمان کنال گھوش نے کہا کہ یہ ریاستی حکومت کو بدنام کرنے کی سازش ہے۔ انہوں نے کہا، ‘ہمیں نہیں معلوم کہ اس میں کون ملوث ہے۔ پولیس اور ریلوے حکام اس کی تحقیقات کر رہے ہیں۔ ہمیں شبہ ہے کہ بی جے پی اس معاملے کو سیاسی رنگ دینے کی کوشش کر رہی ہے۔