مہاراشٹر میں سیٹوں کی تقسیم پر کانگریس اور شیوسینا کے درمیان کشیدگی، سنجے راوت راہل گاندھی سے کریں گے بات

مہاراشٹر میں اسمبلی انتخابات ہیں اور اتحادوں کے درمیان لڑائی بھی منظر عام پر آنے لگی ہے۔ ہریانہ میں کانگریس کی شکست کے بعد آئینہ دکھانے والی شیوسینا (یو بی ٹی) نے سیٹ شیئرنگ پر راہل گاندھی کے ساتھ بات چیت کی بات کی ہے۔

مہاراشٹر میں سیٹوں کی تقسیم کے معاملے پر ادھو ٹھاکرے کی شیوسینا اور کانگریس لیڈروں کے درمیان کشیدگی  بڑھ گی ہے ۔ ذرائع کے مطابق شیو سینا (یو بی ٹی) ودربھ میں زیادہ سیٹوں کا مطالبہ کر رہی ہے۔ لیکن مہاراشٹر کانگریس اسے دینے کو تیار نہیں ہے۔ ودربھ کے علاوہ  کانگریس بھی ممبئی اور مراٹھواڑہ میں شیوسینا (یو بی ٹی) کو زیادہ سیٹیں دینے کے لیے تیار نہیں ہے۔

شیوسینا (یو بی ٹی) ان سیٹوں پر الیکشن لڑنا چاہتی ہے

شیو سینا (یو بی ٹی) کی دلیل  ہے کہ لوک سبھا انتخابات میں ہم نے اپنی روایتی سیٹ جیسے رام ٹیک، امراوتی کا کوٹہ کانگریس کو دیا اور کانگریس جیت گئی۔ اب اگر ہم اسمبلی انتخابات میں ان اضلاع کی کچھ سیٹوں پر مقابلہ کرنا چاہتے ہیں تو اس میں کوئی حرج نہیں ہے۔ ہمیں اپنی پارٹی کو بھی زندہ رکھنا ہے۔

شیوسینا (یو بی ٹی) نانا پٹولے کے رویہ سے ناراض ہے

شیوسینا (یو بی ٹی) سیٹ شیئرنگ میں نانا پٹولے کے رویہ سے ناراض ہے۔ شیوسینا کے سنجے راوت نے ادھو ٹھاکرے کو موجودہ صورتحال کے بارے میں مکمل معلومات فراہم کی  ہے۔ سیٹوں کی تقسیم کے معاملے پر کیسے آگے بڑھنا ہے؟ ادھو ٹھاکرے نے اس بارے میں سنجے راوت کو کچھ معلومات دی ہیں۔

یہ بھی پڑھیں: مسلم اکثریتی علاقے سے جان بوجھ کر ہندو سوابھیمان یاترا نکال رہے ہیں گری راج سنگھ،سیمانچل میں حالات خراب ہونے کا خدشہ

سنجے راوت راہل گاندھی سے بات کریں گے

مہاراشٹر کانگریس کے رہنما کوئی فیصلہ نہیں لے پا رہے ہیں، اسی لیے اب ٹھاکرے سینا نے فیصلہ کیا ہے کہ وہ براہ راست کانگریس ہائی کمان سے بات کرے گی۔ اس ایپی سوڈ میں سنجے راوت نے کے سی وینوگوپال اور مہاراشٹر کانگریس کے انچارج رمیش چنیتھلا سے بات کی ہے۔ سنجے راوت جمعہ کو کانگریس لیڈر راہل گاندھی سے فون پر بات کریں گے۔

بپارت ایکسپریس