Delhi Liquor Policy Scam Case: سپریم کورٹ نے کہا کہ  ملزم کی ضمانت کی عرضی پر دہلی ہائی کورٹ  جلد کرئے سماعت

دہلی شراب پالیسی گھوٹالہ معاملے کے ملزم امندیپ ڈھل کی عرضی پر سپریم کورٹ نے جمعہ کو بڑا تبصرہ کیا۔ سپریم کورٹ نے دہلی ہائی کورٹ سے کہا کہ وہ گرمیوں کی چھٹیوں سے پہلے امندیپ کی زیر التواء عرضی کو نمٹائے۔ سپریم کورٹ نے کہا کہ شخصی آزادی کے معاملے میں ہر روز اہمیت رکھتا ہے۔ دہلی ہائی کورٹ نے قبل ازیں امندیپ ڈھل کو طبی بنیادوں پر دی گئی عبوری ضمانت میں توسیع کرنے سے انکار کر دیا تھا۔ امندیپ نے دو ہفتوں کے لیے عبوری ضمانت مانگی تھی۔

ای ڈی اور سی بی آئی تحقیقات کر رہی ہے

آپ کو بتا دیں کہ سی بی آئی اور ای ڈی دونوں ایجنسیاں امندیپ ڈھل کے خلاف تحقیقات کر رہی ہیں۔ امندیپ ڈھل نے نچلی عدالت کے اس فیصلے کو دہلی ہائی کورٹ میں چیلنج کیا تھا۔جس میں نچلی عدالت نے سی بی آئی اور ای ڈی دونوں معاملوں میں ضمانت دینے سے انکار کر دیا تھا۔ شراب کے کاروباری برنڈکو سیلز پرائیویٹ لمیٹڈ کے ڈائریکٹر امندیپ ڈھل کو ای ڈی نے یکم مارچ کو منی لانڈرنگ کے الزام میں گرفتار کیا تھا۔

امندیپ ڈھل کون ہے؟

ای ڈی کے مطابق تاجر ڈھل نے دوسروں کے ساتھ مل کر سازش کی اور پالیسی بنانے میں سرگرم عمل تھا۔ ڈھل پر رشوت دینے اور ساؤتھ گروپ کو فائدہ پہنچانے میں عام آدمی پارٹی کی مدد کرنے کا الزام ہے۔ ای ڈی اور سی بی آئی نے الزام لگایا ہے کہ ایکسائز ڈیوٹی پالیسی پر نظر ثانی کے دوران بے ضابطگیاں کی گئیں۔ اس کے ساتھ لائسنس ہولڈرز کو غیر منصفانہ فائدہ پہنچایا گیا۔ لائسنس فیس معاف یا کم کردی گئی تھی۔ تفتیشی ایجنسی نے نچلی عدالت کو بتایا تھا کہ ذھل ایکسائز گھوٹالے میں سرگرم عمل تھا۔ انہوں  نے دیگر ملزمان کے ساتھ مل کر سازش کی تھی۔ سی بی آئی اور ای ڈی کے مطابق، ایکسائز پالیسی پر نظر ثانی کے دوران بے ضابطگیاں کی گئی تھیں اور لائسنس ہولڈرز کو ناجائز فائدہ دیا گیا تھا۔

بھارت ایکسپریس