Uttarkashi Love Jihad : لو جہاد کے خلاف احتجاج کرنے والی اترکاشی مہاپنچایت کے خلاف سپریم کورٹ نے سماعت کرنے سے کیا انکار

Uttarkashi Love Jihad : اتراکھنڈ میں لو جہاد کے بڑھتے واقعات کو لے کر ماحول گرم ہوگیا ہے۔ اس پورے معاملے پر 15 جون کو مہاپنچایت ہونے جا رہی ہے۔ ایسے میں علاقے میں دفعہ 144 نافذ کی جا سکتی ہے۔ فی الحال پرولا میں مہاپنچایت کا اعلان کیا گیا ہے۔لیکن اس سے پہلے بجرنگ دل کے ریاستی صدر کی ضلع ہیڈکوارٹر پر میٹنگ چل رہی ہے۔ وشو ہندو پریشد اس پورے معاملے پر آواز اٹھا رہی ہے۔

دوسری طرف سپریم کورٹ نے اترکاشی میں لو جہاد کے خلاف 15 جون کو بلائی گئی مہاپنچایت کے خلاف دائر درخواست پر سماعت کرنے سے انکار کر دیا ہے۔ سپریم کورٹ نے درخواست گزار کو ہائی کورٹ سے رجوع کرنے کو کہا ہے۔

سپریم کورٹ نے تبصرہ کرتے ہوئے کہا کہ لاء اینڈ آرڈر ریاستی حکومت کا معاملہ ہے۔ آپ سپریم کورٹ کیوں آئے ہیں اور آپ کو ہائی کورٹ جانا چاہیے… آپ ہائی کورٹ جائیں۔ آپ انتظامیہ پر اعتماد کیوں نہیں کرتے؟ آپ کو لگتاہے کہ انتظامیہ اس پر کوئی ایکشن کیوں نہیں لے گی۔ دہلی یونیورسٹی کے پروفیسر اپوروانند اور اشوک واجپئی نے مہاپنچایت پر پابندی لگانے کا مطالبہ کرتے ہوئے سی جے آئی کو ایک خط پٹیشن بھیجی تھی۔