Delhi Election Result 2025: رابرٹ واڈرا نے نتائج سے پہلے ہی کانگریس کی شکست کی پیشین گوئی کی ؟

کانگریس ایم پی پرینکا گاندھی کے شوہر رابرٹ واڈرا نے دہلی اسمبلی انتخابات میں مکمل نتائج آنے سے پہلے ہی کانگریس کی شکست کو قبول کر لیا ہے۔ ان کے ایک بیان سے یہ واضح ہوگیا کہ وہ کانگریس کی زمینی حقیقت کو جانتے ہیں۔ ابتدائی رجحانات سامنے آنے سے پہلے ہی انہوں نے کہا کہ دہلی کے لوگ جسے بھی منتخب کریں گے، کانگریس ان کے ساتھ مل کر کام کرے گی۔

رابرٹ واڈرا نے کہا، ‘میں صرف اتنا کہوں گا کہ دہلی کے لوگوں نے جس پارٹی کو منتخب کیا ہے، اسے ان کے تمام وعدوں کو پورا کرنا چاہیے۔ ہم آلودگی سے نجات چاہتے ہیں، ہم خواتین کی حفاظت چاہتے ہیں، ہم یہاں کے بنیادی ڈھانچے میں تبدیلی چاہتے ہیں۔ میں جانتا ہوں کہ جو بھی حکومت آئے گی، کانگریس پارٹی اور کانگریس کے سبھی لیڈر ان کے ساتھ مل کر کام کریں گے۔

“کوئی خرید ہو فروخت نہیں ہونی چاہئے”

واڈرا نے کہا، ‘میں یہ بھی کہوں گا کہ آلودگی سب سے بڑا مسئلہ ہے، اس پر توجہ دیں۔ اب جو لوگ اس بات پر لڑ رہے ہیں کہ حکومت بنانے کے لیے کس کو خریدنا ہے اور کیا کرنا ہے۔ ایسا نہیں ہونا چاہیے۔ عوام کا ووٹ اہم ہے۔ جو بھی پارٹی آئے اسے عوام کے مفاد میں کام کرنا چاہیے۔ دہلی ہماری قومی راجدھانی ہے۔ پوری دنیا دہلی کی طرف دیکھ رہی ہے۔ نئی نسل آلودگی، انفراسٹرکچر، خواتین کے عدم تحفظ وغیرہ سے پریشان ہے۔ اگر یہ سب ٹھیک رہا تو نوجوان دہلی چھوڑ کر نہیں جائیں  گے۔

بھارت ایکسپریس