سیاست

Voter Adhikar Yatra: راہل چلا رہے تھے بلٹ، پیچھے بیٹھی تھیں پرینکا گاندھی، بہار کے دربھنگہ پہنچی ووٹر ادھیکار یاترا

راہل گاندھی اس وقت بہار میں ووٹر ادھیکار یاترا کر رہے ہیں۔ یاترا کے گیارہویں دن یعنی بدھ کے روز انہوں نے کانگریس کی رکن پارلیمنٹ پرینکا گاندھی اور راشٹریہ جنتا دل کے رہنما تیجسوی یادو کے ساتھ دربھنگہ میں ایک بائیک ریلی نکالی۔ اس دوران پرینکا گاندھی ان کی بائیک پر
پیچھے بیٹھی ہوئی نظر آئیں۔

راہل گاندھی نے دربھنگہ میں تقریباً 30 کلومیٹر کا فاصلہ طے کیا۔ اس کے بعد ان کا قافلہ مظفرپور کی طرف روانہ ہوا۔ شام تقریباً 4 بجے کے آس پاس یاترا گائے گھاٹ پہنچے گی، اور یہاں سے آگے بوچھاں، میناپور اور اورائی اسمبلی حلقوں سے گزرتے ہوئے عوام سے رابطہ کرے گی۔ یہ پورا علاقہ سیاسی لحاظ سے نہایت اہم سمجھا جاتا ہے۔

راہل گاندھی کی بائیک پر ہیلمیٹ لگا کر بیٹھی تھیں پرینکا گاندھی

بائیک ریلی کی ایک ویڈیو بھی سامنے آئی ہے، جس میں دیکھا جا سکتا ہے کہ پرینکا گاندھی راہل گاندھی کی بائیک پر ہیلمیٹ پہن کر بیٹھی ہوئی ہیں۔ وہیں، ’ووٹر ادھیکار یاترا‘ میں تمل ناڈو کے وزیر اعلیٰ ایم کے اسٹالن بھی شامل ہوئے۔ مہاگٹھ بندھن (گرینڈ الائنس) کے رہنماؤں کی جانب سے اسٹالن کو اس یاترا میں شامل ہونے کی دعوت دی گئی تھی۔

بہار میں جاری ووٹر ادھیکار ریلی کے دوران راہل گاندھی اور پرینکا گاندھی کو بُلِٹ موٹر سائیکل پر بیٹھے ہوئے حصہ لیتے دیکھا گیا۔بہار میں جاری ووٹر ادھیکار ریلی میں کانگریس کے رہنما راہل گاندھی اور پرینکا گاندھی ایک بار پھر منظرِ عام پر آئے۔ اس بار بھائی بہن کی جوڑی ایک الگ انداز میں نظر آئی۔ دونوں ایک ساتھ ایک ہی بُلِٹ پر سوار تھے۔ اس دوران ان کے ساتھ راشٹریہ جنتا دل (آر جے ڈی) کے رہنما تیجسوی یادو بھی موجود تھے۔

ووٹ کے حق کے لیے جاری اس ریلی کے سلسلے میں کانگریس رہنما راہل گاندھی اور پرینکا گاندھی اس وقت بہار کے ضلع مظفرپور میں موجود ہیں۔ دونوں 26 اگست کو سپول میں تھے، جہاں انہوں نے ریلی میں شرکت کی۔مظفرپور میں ایک ریلی کے دوران راہل گاندھی نے کہا کہ الیکشن کمیشن کو یہ بتانا چاہیے کہ بہار میں ووٹر لسٹ سے 65 لاکھ ووٹروں کے نام کیوں ہٹائے گئے ہیں۔

راہل گاندھی نے دعویٰ کیا کہ ہم یہ ثابت کرنے کے لیے مسلسل ثبوت دیتے رہیں گے کہ اسمبلی اور لوک سبھا کے انتخابات میں کس طرح ووٹ چرائے گئے۔تمل ناڈو کے وزیر اعلیٰ ایم کے اسٹالن اور ڈی ایم کے کی رکن پارلیمنٹ کنی موزی بھی بدھ 27 اگست 2025 کو بہار کے مظفرپور ضلع میں کانگریس کی “ووٹر ادھیکار یاترا” میں شامل ہوئے۔

کانگریس رہنما راہل گاندھی اور آر جے ڈی رہنما تیجسوی یادو بدھ کے روز مظفرپور کی سڑکوں پر “ووٹر ادھیکار یاترا” کے دوران موٹر سائیکل چلاتے ہوئے نظر آئے۔راہل گاندھی نے بہار کی ایک ریلی میں الزام لگایا کہ گجرات ماڈل دراصل ووٹ چوری کا ماڈل ہے، بی جے پی نے وہیں سے ووٹ چرانا شروع کیا تھا۔

اس دوران سینئر کانگریس رہنما پرینکا گاندھی واڈرا کو اپنے بھائی راہل گاندھی کے پیچھے موٹر سائیکل پر بیٹھے دیکھا گیا۔ جب یہ یاترا دربھنگہ سے مظفرپور پہنچی، تو راہل گاندھی اور تیجسوی یادو موٹر سائیکل چلاتے ہوئے نظر آئے اور لوگ ان کے استقبال کے لیے سڑکوں کے کنارے کھڑے تھے۔کل 1300 کلومیٹر پر مشتمل یہ یاترا 17 اگست کو ساسارام سے شروع ہوئی تھی اور یکم ستمبر کو پٹنہ میں ایک ریلی کے ساتھ اختتام پذیر ہوگی۔

بھارت ایکسپریس اردو

Abu Danish Rehman