Lok Sabha Election 2024: وائناڈ کے بعد راہل گاندھی امیٹھی سے نہیں بلکہ رائے بریلی سے انتخابی پرچہ داخل کیا… دو سیٹوں کے انتخاب پر پی ایم مودی نے کہا – ارے پرنس، ڈرو مت، بھاگو مت

  لوک سبھا انتخابات2024 کا انتخابی مقابلہ ہر روز دلچسپ ہوتا جا رہا ہے۔ کانگریس لیڈر راہل گاندھی نے پہلے جنوبی ہندوستان کی وائناڈ لوک سبھا سیٹ سے الیکشن لڑا تھا، پھر امیٹھی سے دوبارہ پرچہ نامزدگی داخل کرنے کی خبریں آئیں، لیکن آج ان کی پارٹی نے بتایا کہ وہ امیٹھی سے نہیں بلکہ رائے بریلی سے کانگریس کے امیدوار ہیں۔

قابل ذکر  بات یہ ہے کہ گزشتہ لوک سبھا انتخابات2019 میں راہل گاندھی کو بی جے پی کی خاتون امیدوار اسمرتی ایرانی سے شکست ہوئی تھی۔ اس کے بعد اسمرتی  ایرانی نے امیٹھی میں ہی اپنی رہائش بنالی، لیکن راہل گاندھی وہاں سرگرم نہیں رہے۔ اس بار راہل گاندھی کی والدہ سونیا گاندھی بھی اپنی روایتی سیٹ رائے بریلی چھوڑ کر راجستھان سے راجیہ سبھا چلی گئیں۔ سونیا  گاندھی کی غیر موجودگی میں اب صرف راہل گاندھی رائے بریلی سے لوک سبھا الیکشن لڑیں گے۔ بی جے پی لیڈر اور وزیر اعظم نریندر مودی نے کانگریس پارٹی کے اس فیصلے پر طنز کیا ہے۔

‘کانگریس والے کہہ رہے تھے کہ راہل گاندھی امیٹھی آئیں گے، امیٹھی آئیں گے’

وزیر اعظم مودی نے کہا- میں نے پہلے ہی بتا دیا تھا کہ شہزادے (راہل گاندھی) وائناڈ میں ہارنے والے ہیں اور ہار کے خوف سے، جیسے ہی وائناڈ میں ووٹنگ ختم ہوگی، وہ دوسری سیٹ کی تلاش شروع کر دیں گے اور اب دوسری سیٹ پر۔ ان کے تمام چیلے بھی کہہ رہے تھے کہ وہ امیٹھی آئیں گے، امیٹھی آئیں گے… لیکن وہ امیٹھی سے بھی اتنے خوفزدہ تھے… اتنے ڈرے ہوئے تھے کہ وہاں سے بھاگ کر اب رائے بریلی کا راستہ ڈھونڈ رہے ہیں۔ یہ لوگ گھوم پھر کر سب کو کہتے ہیں کہ ڈرو نہیں۔ میں بھی آج انہیں کہتا ہوں  اور بڑادل کر کے  کہتا ہوں… ارے ڈرو نہیں، بھاگو نہیں!
‘اب کسی ایگزٹ پول کی ضرورت نہیں، نتیجہ صاف ہے’
مودی نے مزید کہا، “میں اپنے میڈیا ساتھیوں کو کافی

مودی نے مزید کہا، “میں اپنے میڈیا ساتھیوں کو کافی عرصے سے کہہ رہا ہوں کہ ملک کہہ رہا ہے کہ نتیجہ صاف ہے… میں نے بھی دو تین مہینے پہلے کہا تھا۔ میں نے کہا تھا کہ ان کی سب سے بڑی لیڈر لوک سبھا کا الیکشن لڑنے کی ہمت نہیں کریں گی، وہ ڈر کر بھاگ جائے گی اور وہ بھاگ کر راجستھان پہنچی اور راجستھان سے راجیہ سبھا آئی… مجھے بتاؤ ایسا ہوا یا نہیں؟ آج یہاں میں ایک اور بات کہوں گا کہ اس بار کانگریس پہلے سے کم سیٹوں پر سمٹنے جارہی ہے ، وہ پہلے سے کم سیٹوں پر الیکشن لڑ رہی ہے… تو یہ طے ہے کہ ان کی سیٹیں پہلے سے کم ہوں گی۔ اب ملک یہ بھی سمجھ رہا ہے کہ یہ لوگ الیکشن جیتنے کے لیے نہیں لڑ رہے، یہ صرف ملک کو تقسیم کرنے کے لیے انتخابی میدان کا استعمال کر رہے ہیں۔

آخر میں انہوں نے کہا کہ بھائیو اور بہنو، آپ ووٹنگ کے دن کمل کا بٹن دبائیں اور بی جے پی کو جیت دلائیں۔

بھارت ایکسپریس