Independence Day 2025: راہل گاندھی، ریکھا گپتا سمیت ان رہنماؤں نے 79 ویں یوم آزادی کی دی مبارکباد، ترقی اور بھائی چارے پر دیا زور

لوک سبھا میں قائد حزب اختلاف اور کانگریس کے رکن پارلیمنٹ راہل گاندھی، دہلی کے سابق وزیر اعلیٰ اور عام آدمی پارٹی (عاپ) کے قومی کنوینر اروند کیجریوال نے جمعہ کے روز قوم کو 79ویں یومِ آزادی پر دل کی گہرائیوں سے مبارکباد دی۔

راہل گاندھی کا پیغام

لوک سبھا میں قائد حزب اختلاف راہل گاندھی نے سوشیل میڈیا پلیٹ فارم ’ایکس‘ پر آزادی کے متوالوں کو یاد کرتے ہوئے لکھا:”تمام اہلِ وطن کو یومِ آزادی کی دلی مبارکباد۔ عظیم آزادی کے متوالوں کی قربانیوں سے ملی یہ آزادی ایک ایسے بھارت کی تعمیر کا عہد ہے—جہاں سچائی اور برابری کی بنیاد پر انصاف ہو، اور ہر دل میں احترام اور بھائی چارہ ہو۔ اس انمول ورثے کی عظمت اور عزت کی حفاظت ہم سب کا فرض ہے۔
جئے ہند، جئے بھارت۔”

ریکھا گپتا کا عہد

ریاست کی وزیر اعلیٰ ریکھا گپتا نے ’ایکس‘ پر لکھا:”تمام اہلِ وطن کو 79ویں یومِ آزادی کی دلی مبارکباد اور نیک خواہشات۔آج کا دن ہم تمام بھارتیوں کے لیے ملک کے تئیں اپنی وفاداری، فرض اور شہداء کے لیے اپنی شکرگزاری ظاہر کرنے کا دن ہے۔ہم ان تمام آزادی کے سپاہیوں کو سلام کرتے ہیں جنہوں نے ملک کو غلامی کی زنجیروں سے آزاد کرانے کے لیے اپنی جانیں نچھاور کر دیں۔
آئیے، اس مقدس موقع پر ہم سب متحد ہو کر آزادی کا جشن منائیں اور وزیر اعظم نریندر مودی کی قیادت میں بھارت کو ایک خوشحال اور ترقی یافتہ قوم بنانے کے ساتھ اس کے شاندار ماضی، اتحاد، سالمیت اور غیر متزلزل وقار کو برقرار رکھنے کا عزم کریں۔”

اروند کیجریوال کی اپیل

عام آدمی پارٹی کے قومی کنوینر اروند کیجریوال نے ’ایکس‘ پر پیغام دیا:”تمام اہلِ وطن کو یومِ آزادی کی دلی مبارکباد۔
آئیے ہم سب مل کر ایک ایسا بھارت بنائیں جہاں ہر بچے کو اعلیٰ تعلیم ملے، ہر شہری کو بہترین علاج میسر ہو اور ہر خاندان خوشحال ہو۔
تب ہی ہم اپنے شہیدوں کے خوابوں کا بھارت بنا سکیں گے۔
جئے ہند۔”

منیش سسودیا کا وژن

دہلی کے سابق نائب وزیر اعلیٰ منیش سسودیا نے ’ہر بچے کے ہاتھ میں کتاب‘ کی امید کے ساتھ لکھا:”تمام اہلِ وطن کو یومِ آزادی کی دلی مبارکباد۔
لاکھوں عظیم آزادی کے متوالوں اور شہیدوں کی قربانی سے ملی اس آزادی کو قائم رکھنے کے لیے ہر بچے کے ہاتھ میں کتاب ہو، ہر نوجوان کے سامنے روزگار کا راستہ ہو، اور ہر خاندان کی زندگی میں عزت ہو۔”

بھارت ایکسپریس اردو