سیاست

PM Modi wishes Gajendra Singh Shekhawat on his birthday: پی ایم نریندر مودی سمیت متعدد سیاسی رہنماؤں نےگجیندر سنگھ شیخاوت کو پیش کی سالگرہ کی مبارکباد

پی ایم  نریندر مودی سمیت مختلف ریاستوں کے وزرائے اعلیٰ اور مرکزی وزراء نے مرکزی وزیر برائے ثقافت و سیاحت، گجیندر سنگھ شیخاوت کو ان کی سالگرہ پر دلی مبارکباد پیش کی۔پی ایم  مودی نے سماجی رابطے کی ویب سائٹ ‘ایکس’ پر پیغام میں کہا: بھارت کو سیاحت کا مرکز بنانے اور بھارتی ثقافت کو عالمی سطح پر فروغ دینے کے لیے گجیندر سنگھ شیخاوت جو وسیع پیمانے پر کوششیں کر رہے ہیں، انہیں سالگرہ کی دل سے مبارکباد پیش کرتا ہوں۔ میں ان کی طویل عمر اور صحت مند زندگی کے لیے پراتھنا کرتاہوں۔”

اسی طرح دہلی کی وزیر اعلیٰ ریکھا گپتا، راجستھان کے وزیر اعلیٰ بھجن لال شرما، یوپی کے وزیر اعلیٰ یوگی آدتیہ ناتھ، مہاراشٹرا کے وزیر اعلیٰ دیویندر فڑنویس، ہریانہ کے وزیر اعلیٰ نایب سینی اور مرکزی وزیر منوہر لال نے بھی شیخاوت کو نیک تمناؤں سے نوازا۔

دہلی کی وزیر اعلیٰ ریکھا گپتا نے اپنے پیغام میں لکھا:”آپ کی محنت اور لگن کی بدولت بھارت کی ثقافتی وراثت اور سیاحت کا شعبہ نئی بلندیوں کی طرف گامزن ہے۔ ہماری حکومت، دہلی میں ثقافت، روایات اور سیاحت کے فروغ کے لیے آپ کی رہنمائی میں مسلسل کام کر رہی ہے۔ ہم بھگوان  سے آپ کی صحت اور طویل عمر کے لیے پراتھنا کرتے ہیں۔”

راجستھان کے وزیر اعلیٰ بھجن لال شرما نے بھی سالگرہ کی مبارکباد دیتے ہوئے کہا کہ: ہم پروردگار شری رام سے پراتھنا کرتے ہیں کہ وہ آپ کو صحت مند، لمبی اور خوشحال زندگی عطا فرمائیں۔”

اسی طرح مرکزی وزیر منوہر لال نے کہا کہ شیخاوت  نہ صرف کابینہ میں ان کے پرجوش ساتھی ہیں بلکہ ان کی قیادت میں ثقافت اور سیاحت کے میدان میں کئی مثبت پیش رفت ہوئی ہیں۔

یوپی کے وزیر اعلیٰ یوگی آدتیہ ناتھ نے اپنی نیک خواہشات میں کہا:”ماں سنتوشی سے پراتھناہے کہ آپ کو صحت، لمبی عمر اور باعزت زندگی عطا ہو۔ آپ کی زندگی قوم کی خدمت، عوامی فلاح اور سماجی ترقی کے عزم سے روشن رہے۔”

ہریانہ کے وزیر اعلیٰ نایب سینی نے بھی شیکھاوت کے لیے دعائیں دیتے ہوئے لکھا:”ہم پراتھنا کرتے  ہیں کہ آپ اسی طرح ملک کی ترقی اور عوامی خدمت میں اپنا کردار ادا کرتے رہیں۔”

گجیندر سنگھ شیخاوت، جو کہ جودھپور سے رکنِ پارلیمنٹ بھی ہیں، کو پورے سیاسی حلقے سے ملنے والی یہ دعائیں ان کے قومی کردار اور عوامی مقبولیت کا مظہر سمجھی جا رہی ہیں۔

بھارت ایکسپریس اردو

Abu Danish Rehman

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

5 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

6 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

6 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

6 hours ago