پورے ملک میں راکھی کا تہوار دھوم دھام سے منایا جا رہا ہے۔ رکشا بندھن کا تہوار بھائی بہن کے پیار اور بندھن کی علامت ہے۔ اس دن بہنیں اپنے بھائیوں کی کلائی پر راکھی باندھتی ہیں۔ اس کے بدلے میں بھائی اپنی بہنوں کو محبت اور دیکھ بھال کی علامت کے طور پر تحفے دیتے ہیں۔
راکھی تحفظ کے جذبے کی نمائندگی کرتی ہے۔ رکشا بندھن کے موقع پر بھائی اپنی بہنوں کی حفاظت کرنے کا عہد کرتے ہیں۔ اس سال رکشا بندھن آج یعنی 9 اگست کو منایا جا رہا ہے۔
۔ اس موقع پر وزیراعظم نریندر مودی نے 7، لوک کلیان مارگ پر واقع اپنی رہائش گاہ پر بچوں سے راکھی بندھوائی۔ اس دوران پی ایم مودی نے 105 بچوں، اساتذہ اور این جی او کے نمائندوں سے ملاقات کی۔ اس سے پہلے پی ایم مودی نے ملک کے عوام کو رکشا بندھن کی دلی مبارکباد دی تھی۔
وزیراعظم نریندر مودی نے بھی سوشل میڈیا پلیٹ فارم ‘ایکس’ پر ایک پوسٹ کے ذریعے ملک کے عوام کو مبارکباد دی۔ انہوں نے لکھا: “تمام ہم وطنوں کو رکشا بندھن کی بہت سی نیک خواہشات۔”