Bihar Election Rally 2025: بہار انتخابات میں وزیر اعظم مودی کی حکمت عملی پر وزیراعلیٰ موہن یادو کی توجہ، عوامی جلسوں سے پیدا کریں گے جوش

بھارتیہ جنتا پارٹی نے اسمبلی انتخابات کے پیش نظر اپنی حکمت عملی کو مؤثر بنانا شروع کر دیا ہے۔ وزیر اعظم مودی نے کارکنان کو واضح پیغام دیا ہے کہ پارٹی اسی وقت کامیابی حاصل کرتی  ہے جب ہر بوتھ مضبوط ہو۔ انہوں نے کہا کہ ہر بوتھ کارکن اپنے علاقے میں مودی ہے۔ اس پیغام نے کارکنان میں نئی توانائی پیدا کر دی ہے۔

بہار کے دورے پر سی ایم یادو

اسی سلسلے میں اب مدھیہ پردیش کے وزیر اعلیٰ ڈاکٹر موہن یادو بھی بہار کی انتخابی مہم میں شامل ہو چکے ہیں۔ وہ 16 اکتوبر کو بہار کے دورے پر رہیں گے اور کُمہرار اسمبلی حلقے کے کدمکواں اور وکرم اسمبلی حلقے کے پاروتی اسکول اسپورٹس گراؤنڈ میں بڑے عوامی جلسے کریں گے۔ وہ سنجے گپتا اور سدھارتھ سوربھ کی حمایت میں انتخابی مہم چلائیں گے اور پارٹی کارکنان کے ساتھ میٹنگ بھی کریں گے۔

سی ایم یادو بطور اسٹار پرچارک

وزیر اعلیٰ ڈاکٹر موہن یادو نے بطوراسٹار پرچارک اپنی شناخت قائم کر لی ہے۔ دہلی اسمبلی انتخابات میں انہوں نے ہری نگر، مصطفیٰ باد، مالویہ نگر، وکاسپوری، نجم گڑھ، ترینگر، اُتم نگر، نانگلوی، بادلی، روہنی اور مادی پور میں انتخابی مہم چلائی تھی، جن میں سے زیادہ تر نشستیں بی جے پی نے جیتی تھیں۔

لوک سبھا انتخابات میں یوپی میں مہم

گزشتہ سال لوک سبھا انتخابات میں انہوں نے اتر پردیش کے دیوریا اور رابرٹس گنج میں انتخابی مہم چلائی تھی۔ اس کے علاوہ ہریانہ کے بھوانی، دادری، توشام، جھجر اور بوانی کھیڑا حلقوں میں بھی عوامی جلسے کیے تھے، جن میں سے چار سیٹیں بی جے پی کے حصے میں آئیں۔ انہوں نے جموں و کشمیر کی سانبہ سیٹ پر بھی مہم چلائی تھی، جو پارٹی نے جیت لی۔

کیا ہے خاص بات؟

ڈاکٹر موہن یادو کی خاص بات یہ ہے کہ انہوں نے 13 دسمبر 2023 کو وزیر اعلیٰ کے عہدے کا حلف لیا، اور محض تین مہینے بعد ہی ان کی قیادت میں بی جے پی نے مدھیہ پردیش کی تمام 29 لوک سبھا سیٹوں پر کامیابی حاصل  کرلی۔ یہ ریاست کی تاریخ میں ایک ریکارڈ ہے۔ انہوں نے کانگریس کے گڑھ چھندواڑہ کو بھی فتح کر کے تاریخ رقم کی۔

بھارت ایکسپریس اردو۔