سیاست

Mann Ki Baat’s 126th Episode: پی ایم مودی نے من کی بات میں چھٹھ پوجا کو “عالمی تہوار” قرار دیا، یونیسکو میں شامل کرانے کی کوششوں کا بھی کیا ذکر

پی ایم  نریندر مودی نے اپنے ریڈیو پروگرام من کی بات کے 126ویں ایپی سوڈ میں بھارتی تہذیب، ثقافت اور روایات پر گفتگو کرتے ہوئے چھٹھ پوجا کی اہمیت کو اجاگر کیا اور اسے بھارت کی جیتی جاگتی ثقافتی وراثت قرار دیا۔ انہوں نے کہا کہ آج یہ تہوار نہ صرف بھارت بلکہ دنیا بھر میں اپنی پہچان بنا چکا ہے اور “ایک عالمی تہوار” (Global Festival) بنتا جا رہا ہے۔
چھٹھ پوجا: سورج دیوتا کو نمن کرنے کا عظیم تہوار

پی ایم مودی نے کہا: ہمارے تہوار بھارت کی ثقافت کو زندہ رکھتے ہیں۔ چھٹھ پوجا ایک ایسا مقدس موقع ہے جو دیوالی کے فوراً بعد آتا ہے۔ یہ سورج دیوتا کو وقف ہے۔ اس میں ہم ڈوبتے سورج  کی عبادت کرتے ہیں۔”
انہوں نے مزید کہا: چھٹھ پوجا آج دنیا کے کئی حصوں میں منائی جا رہی ہے، اور ایک ’گلوبل فیسٹیول‘ بن چکا ہے۔
چھٹھ پوجا کو یونیسکو کی فہرست میں شامل کرانے کی کوشش
مودی جی نے اعلان کیا کہ: مجھے یہ بتاتے ہوئے خوشی ہو رہی ہے کہ بھارت سرکار چھٹھ مہاپرو کو یونیسکو کی ’غیر مادی ثقافتی ورثے کی فہرست‘ (UNESCO Intangible Cultural Heritage List) میں شامل کرانے کی بھرپور کوشش کر رہی ہے۔
انہوں نے یاد دلایا کہ:”ایسی ہی کوششوں کے نتیجے میں کولکتہ کی درگا پوجا کو پہلے ہی یونیسکو کی فہرست میں شامل کیا جا چکا ہے۔ اگر ہم اپنے تہواروں کو عالمی سطح پر پہچان دلائیں تو دنیا ان کی خوبصورتی اور معنویت کو سمجھ سکے گی۔”
مقامی مصنوعات کو اپنائیں، مقامی معیشت کو مضبوط بنائیں
پی ایم مودی نے مقامی مصنوعات (Swadeshi products) کو ترجیح دینے کی اپیل کرتے ہوئے کہا:
جب ہم تہواروں پر مقامی مصنوعات خریدتے ہیں، تو یہ صرف روایت کو زندہ نہیں رکھتا بلکہ ان کاریگروں اور مزدوروں کے خاندانوں کو براہِ راست فائدہ پہنچاتا ہے۔ یہ بھارت کی معیشت کو نچلی سطح سے مضبوط بناتا ہے۔
یہ پیغام صرف ایک تہوار کی اہمیت کو اجاگر نہیں کرتا، بلکہ بھارت کی قدیم روایتوں کو عالمی سطح پر مقام دلانے کے عزم کا مظہر ہے۔

بھارت ایکسپریس اردو

Abu Danish Rehman

Recent Posts

IND Vs NZ Test Series: نیوزی لینڈ کی سرزمین پر ہندوستانی اوپنرز کا 32 سال بعد بڑا کارنامہ، راہل اور جیسوال نے بنائے کئی ریکارڈ

گزشتہ دو سال سے ہندوستانی ٹیسٹ اوپننگ جوڑی ٹیم کو اچھی شروعات تو دے رہی…

13 minutes ago

Trump Postpones Potential Attack on Iran: ایران پر حملے کا فیصلہ نئے سال تک ٹالا، ٹرمپ بولے: ایران گیس اور حیاتیاتی ہتھیاروں پر غور کر رہا ہے

 ٹرمپ نے دعویٰ کیا کہ ایسے اشارے ملے ہیں کہ ایران حیاتیاتی اور کیمیائی ہتھیاروں…

2 hours ago

Cyclone Alert: اگلے 8 گھنٹوں میں 12 ریاستوں میں طوفان کا الرٹ! موسلا دھار بارش اور 90 کلومیٹر فی گھنٹہ کی رفتار سے چلیں گی ہوائیں

موسم کی تازہ پیش گوئی کے مطابق پنجاب کے برنالہ، چندی گڑھ، موہالی، پٹھان کوٹ،…

4 hours ago