Parliament session may start from June 18: پارلیمنٹ کا اجلاس 18 جون سے ہوسکتا ہے شروع ، لوک سبھا اسپیکر کا انتخاب 20 جون کو ممکن

صدر کے خطاب پر ہوگی بحث، پارلیمنٹ احاطے میں I.N.D.I.A کا احتجاج جاری

ملک کی 18ویں لوک سبھا کا پہلا اجلاس 18 جون سے شروع ہونے کا امکان ہے۔ اجلاس کا آغاز نومنتخب امیدواروں کی بطور ممبر ایوان حلف برداری سے ہوگا۔ ذرائع کے مطابق ارکان اسمبلی کی حلف برداری تین دن تک ہو گی۔ لوک سبھا اسپیکر کا انتخاب 20 جون کو ہو سکتا ہے۔ جب کہ صدر کا خطاب 21 جون کو متوقع ہے۔ حلف کی تکمیل کے بعد صدر جمہوریہ دروپدی مرمو لوک سبھا اور راجیہ سبھا کے مشترکہ اجلاس سے خطاب کریں گی اور اس طرح سیشن کا باقاعدہ افتتاح کیا جائے گا۔ اجلاس کے دوران وزیر اعظم مودی اپنی وزراء کونسل کے اراکین کا دونوں ایوانوں سے تعارف بھی کرائیں گے۔

نریندر مودی نے اتوار کو تیسری بار وزیر اعظم کے عہدے کا حلف لیا

آپ کو بتا دیں کہ نریندر مودی نے اتوار کو تیسری بار وزیر اعظم کے عہدے کا حلف لیا۔ صدر دروپدی مرمو نے پی ایم مودی کو عہدے اور رازداری کا حلف دلایا۔ اس کے ساتھ ہی نریندر مودی نے مسلسل تیسری بار وزیر اعظم کے عہدے کا حلف لے کر جواہر لعل نہرو کے ریکارڈ کی برابری کر دی ہے۔ اس موقع پر بنگلہ دیش کی وزیر اعظم شیخ حسینہ کے علاوہ بھوٹان کے وزیر اعظم داشو شیرنگ ٹوبگے، نیپال کے وزیر اعظم پشپا کمل دہل ‘پراچند’، ماریشس کے وزیر اعظم پرویند کمار جگناوتھ، سری لنکا کے صدر رانیل وکرماسنگھے، مالدیپ کے صدر محمد معیزو، سیشلز کے نائب صدر احمد احمد بھی موجود تھے۔
وزیر اعظم مودی نے جیت کی ہیٹ ٹرک بنائی

وزیر اعظم مودی نے وارانسی لوک سبھا سیٹ سے جیت کی ہیٹ ٹرک بنائی ہے۔ انہوں نے کانگریس امیدوار اجے رائے کو ڈیڑھ لاکھ سے زیادہ ووٹوں سے شکست دی۔

لوک سبھا انتخابات 2024 میں بی جے پی کی قیادت والی این ڈی اے کو 293 سیٹیں ملی ہیں۔ جبکہ انڈیا الائنس کی اتحادی جماعتوں نے 234 نشستیں حاصل کیں۔ وہیں دیگر کو 17 سیٹیں ملیں 2024 کے لوک سبھا انتخابات میں سب سے بڑی پارٹی بن کر ابھری ہے۔ بی جے پی نے 240 سیٹیں جیتی ہیں۔

بھارت ایکسپریس

Abu Danish Rehman