بی جے پی صدر جے پی نڈا اور مرکزی وزیر داخلہ امت شاہ نے راجستھان میں بی جے پی کور کمیٹی کے رہنماؤں کے ساتھ میٹنگ کی تاکہ ریاستی اسمبلی انتخابات کے لیے حکمت عملی تیار کی جا سکے اور ریاست میں اشوک گہلوت کی قیادت والی حکومت کو گرایا جا سکے۔ جمعہ کو پارٹی کے قومی ہیڈکوارٹر میں بلائی گئی میٹنگ میں پارٹی کی قومی تنظیم کے جنرل سکریٹری بی ایل سنتوش، سابق وزیر اعلیٰ وسندھرا راجے سندھیا، ریاستی اسمبلی میں قائد حزب اختلاف گلاب چند کٹاریہ، ریاستی صدر ستیش پونیا، ریاستی انچارج ارون سنگھ، ریاستی تنظیم کے جنرل سکریٹری چندر شیکھر، اوم پرکاش ماتھر، ریاستی کو انچارج وجے رہاتکر اور ریاستی انچارج مرکزی وزیر گجیندر سنگھ شیخاوت، ریاست کے علاوہ کور کمیٹی کے دیگر ارکان بھی موجود رہے۔
پارٹی لیڈروں نے وزیر اعظم نریندر مودی کے ریاست کے مجوزہ دورے کی تیاریوں پر بھی تبادلہ خیال کیا، اس کے علاوہ گہلوت حکومت کو اس کی چوتھی سالگرہ کے موقع پر گھیرنے پر بات چیت کی۔
میٹنگ کے دوران ریاستی قائدین سے کہا گیا کہ وہ پارٹی کے اندر دھڑے بندی کا مسئلہ حل کریں اور اشوک گہلوت حکومت کو گھیرنے کے لیے متحد ہوجائیں۔
کور کمیٹی کی میٹنگ کے بعد نڈا نے سینئر لیڈروں کے ساتھ الگ میٹنگ کی۔ اس کے بعد ریاستی عہدیداروں کا تیسرا اجلاس منعقد ہوا جس میں کور کمیٹی میں کئے گئے فیصلوں پر عملدرآمد اور آئندہ کی حکمت عملی پر تبادلہ خیال کیا گیا۔
ملکارجن کھرگے کے کانگریس صدر کا عہدہ سنبھالنے کے بعد امید کی جا رہی ہے کہ پارٹی راجستھان کو لے کر کوئی بڑا فیصلہ لے سکتی ہے۔
پارٹی ہائی کمان اشوک گہلوت یا سچن پائلٹ کا ساتھ لے سکتی ہے، لیکن یہ یقینی ہے کہ راجستھان کانگریس میں رسہ کشی ضرور شروع ہو سکتی ہے اور ایسے میں بی جے پی کوئی کسر نہیں چھوڑنا چاہتی۔
شملہ ضلع عدالت کے ذریعہ سنجولی میں مسجد کی مبینہ غیرقانی تعمیرات کو منہدم کرنے…
ہندوستان اوربنگلہ دیش کے درمیان تین میچوں کی ٹی-20 سیریز کھیلی جانی ہے، جس کی…
اسرائیل کی فوج موجودہ وقت میں بڑے حملے کی تیاری میں ہے۔ اسرائیلی میڈیا رپورٹ…
ایگزٹ پول کے مطابق ہریانہ میں کانگریس کی حکومت بنتی ہوئی نظرآرہی ہے۔ حالانکہ 8…
انل وج نے کہا کہ ہریانہ کی تمام 90 سیٹوں پر بی جے پی کی…
ودیا بالن نے کئی شاندارفلمیں کی ہیں۔ وہیں ایک فلم کا بجٹ کم ہونے کی…