انڈیا بلاک کے رہنما پارلیمنٹ کے مکر دوار (مین گیٹ) پر قومی ترانہ گاتے ہوئے جمع ہوئے اور بہار میں انتخابات کے لیے جاری “اسپیشل سمری ریویژن” (SIR) اور 2024 کے لوک سبھا انتخابات میں “ووٹروں کے ساتھ دھوکہ دہی” کے الزامات کے خلاف پارلیمنٹ سے الیکشن کمیشن تک مارچ شروع کیا۔
کانگریس کے رکن پارلیمنٹ راہل گاندھی کی قیادت میں انڈیا بلاک کے ارکان پارلیمنٹ آج بروز پیر دارالحکومت دہلی میں اپنی طاقت کا مظاہرہ کررہےہیں۔ بہار میں ووٹر لسٹ میں گڑبڑی اور انتخابات میں ‘مبینہ دھاندلی’ کے خلاف لوک سبھا اور راجیہ سبھا کے 300 ارکان پارلیمنٹ، پارلیمنٹ ہاؤس سے الیکشن کمیشن کے دفتر تک پیدل مارچ کرنے کی کوشش کررہے ہیں ۔ دہلی پولیس نے SIR کے خلاف مارچ کرنے والے ارکان پارلیمنٹ کو الیکشن کمیشن کے دفتر پہنچنے سے پہلے ہی روک لیا۔ اس مارچ میں کانگریس کے صدر ملکارجن کھڑگے، پرینکا گاندھی ،سماجوادی پارٹی کے صدر اکھلیش یادو، ٹی ایم سی کے رکن پارلیمنٹ ابھیشیک بنرجی سمیت کئی ارکان شامل ہیں۔ یہ مارچ صبح تقریباً 11:30 بجے شروع ہوا ہے ۔ اسی دوران ایک وفد الیکشن کمیشن کے حکام سے بھی ملاقات کرے گا۔
راجیہ سبھا کی کارروائی دوپہر 2 بجے تک ملتوی
پارلیمنٹ کی کارروائی شروع ہوتے ہی ہنگامہ آرائی شروع ہو گئی۔ اپوزیشن نے SIR کے خلاف نعرے بازی کی، جس کے سبب راجیہ سبھا کی کارروائی دوپہر 2 بجے تک ملتوی کر دی گئی۔
بہار SIR کے خلاف اپوزیشن کا مارچ شروع
بہار میں ووٹر لسٹ میں گڑبڑی کے الزام پر اپوزیشن کے 300 ارکان پارلیمنٹ نے، کانگریس رہنما راہل گاندھی کی قیادت میں پیر 11 اگست کو دہلی میں پیدل مارچ شروع کر دیا ہے۔ وہ پارلیمنٹ ہاؤس سے الیکشن کمیشن کے دفتر جائیں گے۔ ذرائع کے مطابق ان ارکان کو باہر ہی روکنے کی تیاری کی گئی ہے۔
بھارت ایکسپریس اردو
ایودھیا رام مندر میں چڑھاوا کی مبینہ چوری کی تحقیقات میں بڑا انکشاف، سالیسٹر جنرل…
پرینکا چترویدی نے کہا، وزیر اعظم نریندر مودی نے کیا اپنا ذاتی وعدہ پورا، والدین…
اب ملزم کو گرفتاری کی وجہ تحریری طور پر بتانا لازمی، خلاف ورزی پر پولیس…
پنڈھری ناتھ علاقے میں بدریناتھ مندر اور تھانے کے سامنے پیش آیا واقعہ، کوئی جانی…
چنئی سپر کنگز کی جانب سے جاری بیان میں ظہیر خان نے کہا، ’’آئی پی…
اکھلیش یادو کی موجودگی میں لیڈروں کے درمیان تلخ کلامی اور گالی گلوچ، دونوں اضلاع…