Live-in Relationship: دنیا میں سب سے زیادہ  لیو-ان  میں  رہنے  والا ملک کون؟ بھارت کی پوزیشن جان کر رہ جائیں گے حیران

مغربی ممالک کی طرز پر بھارت میں بھی لیو-ان ریلیشن شپ کا رجحان تیزی سے بڑھ رہا ہے۔ لیو-ان ریلیشن شپ وہ تعلق ہوتا ہے، جس میں دو محبت کرنے والے بغیر شادی کے ایک ساتھ میاں بیوی کی طرح ایک ہی چھت کے نیچے رہتے ہیں۔ لیکن کیا آپ جانتے ہیں کہ دنیا میں کون سا ملک ہے ،جہاں سب سے زیادہ جوڑے لیو-ان میں رہتے ہیں؟ اور بھارت میں اس کی کیا صورتحال ہے؟ آئیے جانتے ہیں۔

کس ملک میں سب سے زیادہ جوڑے لیو-ان میں رہتے ہیں؟
لیو-ان ریلیشن شپ یعنی بغیر شادی کے ایک ساتھ رہنے کا رواج آج کئی ممالک میں عام ہو چکا ہے۔ مغربی ممالک کی طرح بھارت میں بھی یہ رجحان تیزی سے بڑھ رہا ہے، لیکن ایک ایسا ملک ہے جہاں سب سے زیادہ جوڑے لیو-ان میں رہنا پسند کرتے ہیں۔ ایک حالیہ مطالعے کے مطابق، سویڈن وہ ملک ہے ،جہاں لیو-ان میں رہنے والے جوڑوں کی تعداد سب سے زیادہ ہے۔ سویڈن میں تقریباً 70 فیصد لوگ بغیر شادی کے ایک ساتھ رہتے ہیں۔ ان میں سے 40 فیصد جوڑے کچھ وقت بعد رشتہ ختم کر دیتے ہیں، جبکہ 10 فیصد جوڑے بغیر شادی کے ہی زندگی بھر ساتھ رہنا پسند کرتے ہیں۔

دیگر ممالک کی صورتحال
سویڈن کے بعد ناروے کا نمبر آتا ہے، جہاں بھی بہت سے جوڑے لیو-ان میں رہتے ہیں۔ اس کے بعد ڈنمارک کا نمبر آتا ہے، جہاں بھی کافی تعداد میں جوڑے بغیر شادی کے ایک ساتھ رہنا پسند کرتے ہیں۔

بھارت کی صورتحال کیا ہے؟
بھارت میں لیو-ان ریلیشن شپ کا درست تناسب بتانا مشکل ہے کیونکہ اس پر کوئی سرکاری مردم شماری یا سروے نہیں ہوا ہے۔ قابل ذکر بات یہ ہےکہ کچھ مطالعات اور رپورٹوں کے مطابق یہ رجحان آہستہ آہستہ بڑھ رہا ہے، اور کچھ اندازوں کے مطابق ہر 10 میں سے 1 جوڑا لیو-ان ریلیشن شپ میں رہ رہا ہے۔ بھارت کے اتراکھنڈ میں سماجی یکساں قانون (UCC) کے نفاذ کے بعد پہلی بار کسی جوڑے کو لیو-ان میں رہنے کے لیے قانونی منظوری بھی مل گئی ہے۔

شہری علاقوں میں تیزی سے بڑھتا رجحان
بھارت میں لیو-ان ریلیشن شپ کا رجحان خاص طور پر میٹرو شہروں جیسے دہلی، ممبئی، بنگلور اور پونے میں تیزی سے بڑھا ہے۔ ایک سروے کے مطابق ہر دوسرا بھارتی نوجوان شادی سے پہلے لیو-ان کو آزمانا چاہتا ہے۔ شہری زندگی، جدیدیت اور مغربی اثرات اس کے اہم اسباب ہیں۔ نوجوان اس لیے بھی اسے پسند کرتے ہیں کیونکہ یہ انہیں ایک دوسرے کو بہتر سمجھنے کا موقع دیتا ہے۔
قابل ذکر بات یہ ہے کہ  بھارت میں سماجی قبولیت اب بھی ایک بڑی چیلنج ہے۔

بھارت ایکسپریس اردو