Fact Check: جے پور ہوائی اڈے مکمل طور پر محفوظ ، دھماکوں کی آوازیں سننے کے دعوے جھوٹے ، پی آئی بی فیکٹ چیک نےفرضی قرار دیا

پاک بھارت کشیدگی کے درمیان مختلف سوشل میڈیا پلیٹ فارمز پر کئی طرح کی ویڈیوز وائرل ہو رہی ہیں۔ ان حملوں کی بہت سی ویڈیوزفرضی اور جھوٹے دعوؤں کے ساتھ گردش کر رہی ہیں۔ جے پور ہوائی اڈے کے قریب دھماکوں کی آوازوں کی ایک ویڈیو سوشل میڈیا پلیٹ فارم ایکس پر وائرل ہوئی ہے۔ اس ویڈیو کو حکومت ہند کے پی آئی بی فیکٹ چیک نےفرضی قرار دیا ہے۔

باڑمیر اور جیسلمیر میں ڈرون حملے ناکام ہوئے

پاکستان نے جمعہ کو ایک بار پھر بھارت کے کئی شہروں اور اضلاع میں ڈرون حملے کرنے کی ناکام کوشش کی۔ راجستھان کے باڑمیر اور جیسلمیر میں بھی ڈرون دیکھے گئے ہیں۔ بھارتی فوج کے فضائی دفاعی نظام نے ان پاکستانی ڈرونز کو مار گرایا ہے۔

جے پور ہوائی اڈے پر دھماکوں کی آواز سننے کا دعویٰ

سوشل میڈیا پلیٹ فارم ایکس پر ایک یوزر نے ایک ویڈیو پوسٹ کی ہے، جس میں دعویٰ کیا گیا ہے کہ اس نے جے پور ہوائی اڈے پر پا س دھماکوں کی آواز سنی ہے۔ اس ویڈیو میں رات کے اندھیرے میں  آسمان  سیاہ دکھائی دے رہا ہے اور دھماکوں کی آوازیں بھی سنائی دے رہی ہیں۔

ہوائی اڈہ مکمل طور پر محفوظ ہے

اس جھوٹے دعوے کے ساتھ وائرل ویڈیو کو شیئر کرتے ہوئے پی آئی بی فیکٹ چیک نے سوشل میڈیا پلیٹ فارم ایکس پر لکھا کہ جے پور ایئرپورٹ مکمل طور پر محفوظ ہے۔ دعویٰ کیا جا رہا ہے کہ جے پور ہوائی اڈے پر دھماکے کی آواز سنی گئی۔

جے پور کے ضلع مجسٹریٹ نے بھی وضاحت دی

پی آئی بی فیکٹ چیک میں یہ دعویٰ فرضی پایا گیا ہے۔ اس کے ساتھ ہی پی آئی بی نے کہا کہ جے پور کے ضلع کلکٹر اور مجسٹریٹ کی طرف سے وضاحت دی گئی ہے۔

بھارت ایکسپریس اردو