Jharkhand Assembly Elections: بابولال مرانڈی نے چمپئی سورین کی تعریف کی ، ہیمنت تو  اپنے لوگوں پر الزام لگا رہے ہیں کہ ان کے لیڈربکاؤ ہیں

جھارکھنڈ میں اسمبلی انتخابات سے پہلے سابق وزیر اعلیٰ اور جے ایم ایم لیڈر چمپئی سورین کے بی جے پی میں شامل ہونے کی قیاس آرائیاں ہو رہی ہیں۔ پچھلے کچھ دنوں سے اس معاملے کو لے کر سیاسی بیان بازی جاری ہے۔قابل ذکر بات یہ ہے کہ  جھارکھنڈ بی جے پی کے صدر بابولال مرانڈی نے میڈیا ساتھ بات چیت میں چمپئی سورین کی تعریف کی ہے۔ سی ایم ہیمنت سورین پر بھی حملہ بولا۔

جھارکھنڈ بی جے پی کے صدر اور سابق سی ایم بابولال مرانڈی نے کہا، ” چمپئی سورین نے X پر جو پوسٹ کیا وہ ان کے درد اور تکلیف کو ظاہر کرتا ہے۔” ان کی توہین کی گئی۔ وزیراعلیٰ کی کرسی سے زبردستی ہٹایا گیا۔ جھارکھنڈ مکتی مورچہ میں جو کچھ بھی ہو رہا ہے وہ پارٹی کا اندرونی معاملہ ہے۔

 چمپئی سورین اپنی سادگی کے لیے مشہور ہیں

انہوں نے مزید کہا، ’’ چمپئی سورین سمیت کئی ایم ایل ایز کی ناراضگی سامنے آرہی ہے۔ چمپئی سورین اپنی سادگی کے لیے مشہور ہیں۔ چمپئی سورین اور ناراض جے ایم ایم ایم ایل اے بی جے پی سے بات نہیں کر رہے ہیں۔ جب بات نہیں چل رہی تو بی جے پی میں کیسے شامل ہوں گے؟

ہیمنت سورین کے پاس سب سے زیادہ پیسہ ہے – بابولال مرانڈی

سی ایم ہیمنت سورین نے کہا ہے کہ بی جے پی پیسے اور طاقت کے بل بوتے پر پارٹی اور گھر کو توڑ رہی ہے۔ کیا جھارکھنڈ کے لوگ بی جے پی کو مسترد کر دیں گے؟ اس پر بابولال مرانڈی نے کہا کہ ہیمنت سورین کے پاس سب سے زیادہ پیسہ ہے۔ انہو ں نے کوئلہ، ریت، لوہا، زمین، ٹرانسفر پوسٹنگ سے پیسہ کمایا۔ ہیمنت تو  اپنے لوگوں پر الزام لگا رہے ہیں کہ ان کے لیڈربکاؤ ہیں۔

کیا حکومت گر جائے گی اگر ایم ایل اے چمپائی کا ساتھ دے گے؟

بابو لال مرانڈی نے مزید کہا، “ چمپئی سورین لالچی نہیں ہیں۔ اب ہم نے اسمبلی انتخابات کی تیاری شروع کر دی ہے۔ لوک سبھا انتخابات میں ہم 81 میں سے 51 اسمبلی سیٹوں پر آگے تھے۔ اس بار بی جے پی کی حکومت بننے والی ہے۔ اگر چمپئی سورین  سمیت کچھ ایم ایل اے اپنا پالا  بدلتے ہیں تو کیا حکومت گر سکتی ہے؟ اس پر انہوں نے کہا کہ وہ اس پر کوئی تبصرہ نہیں کریں گے۔

بھارت ایکسپریس