Amit Shah Kushinagar Rally: اکھلیش یادو اور راہل گاندھی کی پارٹیوں کو کتنی سیٹیں مل رہی ہیں؟ الزام ای وی ایم پر لگے گا- امت شاہ

مرکزی وزیر داخلہ امت شاہ لوک سبھا انتخابات کی تشہیر کے لیے یوپی کے کشی نگر پہنچ گئے۔ اس دوران انہوں نے دعویٰ کیا کہ راہل گاندھی کی پارٹی 40 کا ہندسہ عبور نہیں کر پائے گی۔ اتنا ہی نہیں امت شاہ نے کہا، اکھلیش یادو کی سماج وادی پارٹی یوپی میں 4 سیٹیں عبور نہیں کر پائے گی۔

امت شاہ نے کہا6 مرحلے کی ووٹنگ ختم ہو گئی ہے۔ میرے پاس 5 اسٹیج کا ڈیٹا ہے۔ مودی جی نے 5 مرحلوں میں 310 سیٹیں پا رکرچکے ہیں۔ چھٹا مرحلہ ہو چکا ہے، ساتواں مرحلہ ہونے والا ہے، جس میں آپ لوگوں کو 400 کو پارکرنا ہے۔

الزام ای وی ایم پر لگے گا- امت شاہ

امت شاہنے کہا، “4 جون کو مودی جی، بی جے پی اور این ڈی اے کی جیت یقینی ہے۔” 4 جون کی دوپہر آپ دیکھیں گے کہ راہل بابا کے لوگ پریس کانفرنس کریں گے اور کہیں گے کہ ہم ای وی ایم کی وجہ سے ہارے ہیں۔ شکست کا الزام بھی کھڑگے صاحب پر ہی پڑے گا۔

مرکزی وزیر داخلہ نے کہا، آج میں بہن مایاوتی اور اکھلیش یادو سے پوچھنا چاہتا ہوں کہ کشی نگر ‘چینی کا کٹورا’ کے نام سے مشہور تھا، لیکن آپ کے دور میں 5-6 شوگر ملیں بند ہو گئیں۔ جب کہ ہماری حکومت کے دور میں 20 شوگر ملوں کو دوبارہ شروع کرنے کا کام ہوا ہے۔

ریزرویشن کے معاملے پر اپوزیشن کو گھیر ا

امت شاہ نے کہا، یہ (انڈی اتحاد) وہ لوگ ہیں جو جھوٹ کی بنیاد پر جیتے ہیں۔ انہوں نے کہا ہے کہ ہم مسلم ریزرویشن دیں گے۔ اگر وہ غلطی سے جیت بھی گئے تو وہ پسماندہ، انتہائی پسماندہ اور دلت لوگوں سے ریزرویشن چھین کر مسلمانوں کو دیں گے۔

انہوں نے کہا کہ انہوں نے (انڈی اتحاد) کرناٹک اور حیدرآباد میں جو کچھ کیا، بنگال میں بھی وہی کیا تھا، لیکن وہاں (بنگال) ہائی کورٹ نے اس پر پابندی لگا دی۔ مسلم ریزرویشن آئین کے مطابق نہیں ہے۔ اپنے ووٹ بینک کو خوش کرنے کے لیے وہ مسلم ریزرویشن کی بات کرتے ہیں، جس کا براہ راست نتیجہ پسماندہ طبقات کو بھگتنا پڑے گا۔

بھارت ایکسپریس