Maharashtra Assembly Election: وزیر داخلہ امت شاہ کے ہیلی کاپٹر کی ہوئی چیکنگ، ویڈیو شیئر

 مہاراشٹر کے ہنگولی میں وزیر داخلہ امت شاہ کے ہیلی کاپٹر کی چیکنگ کی گی۔ الیکشن کمیشن کے اہلکاروں نے ان کے ہیلی کاپٹر کا چیکنگ کی اور اس میں رکھے سامان کو بھی کھولا اور چیک کیا۔ وزیر داخلہ امت شاہ نے خود سوشل میڈیا پلیٹ فارم X کے ذریعے یہ جانکاری دی گی۔ انہوں نے اس ویڈیو کو سوشل میڈیا پر بھی شیئر کیا ہے۔ انہوں نے کہا کہ بی جے پی منصفانہ انتخابات اور صحت مند انتخابی نظام پر یقین رکھتی ہے اور الیکشن کمیشن کے بنائے گئے تمام اصولوں پر عمل کرتی ہے۔

ویڈیو میں دیکھا جا سکتا ہے کہ جیسے ہی امت شاہ کا ہیلی کاپٹر ہنگولی میں اترتا ہے، الیکشن کمیشن کے اہلکار ان کے ہیلی کاپٹر اور بیگ کو چیک کرتے ہیں۔

وزیر داخلہ امت شاہ نے سوشل میڈیا پلیٹ فارم پر لکھا بی جے پی منصفانہ انتخابات اور صحت مند انتخابی نظام پر یقین رکھتی ہے اور الیکشن کمیشن کے بنائے گئے تمام اصولوں پر عمل کرتی ہے۔ “ہم سب کو ایک صحت مند انتخابی نظام میں حصہ دینا چاہیے اور ہندوستان کو دنیا کی سب سے مضبوط جمہوریت رکھنے کے لیے اپنے فرائض ادا کرنا چاہیے۔”

آپ کو بتا دیں کہ الیکشن کمیشن کی جانب سے ادھو ٹھاکرے کے ہیلی کاپٹر کی تلاشی لینے کے بعد تنازعہ کھڑا ہو گیا تھا۔ الیکشن کمیشن نے بھی اپنی پالیسیوں کی وضاحت کی تھی۔ جس کے بعد شیو سینا (یو بی ٹی) نے بی جے پی پر حملہ کرتے ہوئے پوچھا کہ کیا وزیر داخلہ امت شاہ اور وزیر اعظم نریندر مودی اپنا بیگ چیک کریں گے؟ کئی اپوزیشن لیڈروں نے بھی ادھو کی حمایت میں سوال اٹھائے تھے۔ اس کے بعد مہاراشٹر کے نائب وزیر اعلی اور بی جے پی لیڈر دیویندر فڑنویس کے ہیلی کاپٹر اور بیگ کی بھی جانچ کی گئی تھی۔

بھارت ایکسپریس