Atiq Ahmed’s wife Shaista Parveen: سابق رکن اسمبلی عتیق احمد کی اہلیہ کے کرائے کے مکان کو غیر قانونی طور پر کیا مسمار

Atiq Ahmed’s wife Shaista Parveen: پریاگ راج میں امیش پال کے قتل کے معاملے میں نامزد باہوبلی سابق رکن اسمبلی عتیق احمد کی بیوی شائستہ پروین نے سی ایم یوگی آدتیہ ناتھ اور الہ آباد ہائی کورٹ کے چیف جسٹس کو خط لکھا ہے۔ انہں نے غیر قانونی طور پر کرائے کے مکان کو مسمار کرنے اور فرضی طریقے سے گھر میں اسلحہ رکھنے کا الزام لگایا ہے۔

شائستہ پروین نے پریاگ راج سے وابستہ یوپی کابینہ کے وزیر اور ان کی بیوی پر سازش کرنے کا الزام لگایا ہے۔ انہوں نے سیاسی وجوہات کی بناء پر ہراساں کرنے کا الزام  بھی لگایا ہے اور وزیراعلیٰ یوگی   آدتیہ   ناتھ  اور چیف جسٹس سے جوڈیشل یا مجسٹریل انکوائری کا مطالبہ کیا ہے۔

انہوں نے پولیس اہلکاروں پر ڈیڑھ لاکھ اور 7 لاکھ روپے کے زیورات اٹھا کر لے جانے کا بھی الزام لگایا ہے۔ انہوں نے کہا ہے کہ کچھ افسران اپنے سیاسی مخالفین کو خوش کرنے کے لیے ہمیں ہراساں کر رہے ہیں۔

شائستہ پروین نے بھی سی ایم پورٹل پر  بھی شکایت درج کرائی ہے۔