ٹوٹتی امیدوں کے بیچ اپنے پیاروں کو تلاش کرتی آنکھیں ، جانئے کیرالہ، اتراکھنڈ، ہماچل کا درد، ہماچل میں بادل پھٹنے سے 9 افراد ہلاک
بھارت کی تین ریاستیں جولائی کے آخر میں ایسے شدید موسم کی زد میں آئیں، جس کا درد اب بھی جاری ہے۔ بے شک اس حادثے کے بعد جولائی ختم ہو گیا اور اگست کا نیا مہینہ شروع ہو گیا ،لیکن یہاں کے لوگوں کا درد جوں کا توں ہے۔ ان ریاستوں میں ہزاروں لوگوں کی زندگیاں تاحال تعطل کا شکار ہیں۔ ان کی آنکھیں آج بھی اپنے پیاروں کو اس امید میں ڈھونڈ رہی ہیں کہ وہ اچانک نمودار ہو جائیں گے۔
ہم کیرالہ، ہماچل پردیش اور اتراکھنڈ کی بات کر رہے ہیں۔ ان تینوں ریاستوں نے پچھلے ایک ہفتے میں ایسا سانحہ دیکھا ہے ،جسے شاید ہی کبھی بھلایا جاسکے۔ کیرالہ کے وائناڈ میں مٹی کے تودے گرنے سے مرنے والوں کی تعداد 361 سے تجاوز کر گئی ہے، ہماچل پردیش میں بادل پھٹنے سے 9 افراد کی موت ہو گئی ہے، جب کہ 45 لاپتہ ہیں۔ ان کی تلاش تاحال جاری ہے۔ دوسری جانب اتراکھنڈ میں بارش اور لینڈ سلائیڈنگ سے 15 افراد ہلاک جب کہ 49 سے زائد لاپتہ ہیں۔
وائناڈ میں لینڈ سلائیڈنگ
قابل ذکر بات یہ ہے کہ 30 جولائی کو وائناڈ کے میپاڈی، منڈکئی ٹاؤن اور چورلمالا میں تین بڑے لینڈ سلائیڈنگ کی وجہ سے پورا گاؤں تباہ ہو گیا تھا۔ ہفتے کو مرنے والوں کی تعداد 358 تک پہنچ گئی تھی جب کہ ریسکیو ٹیمیں اب بھی ملبے تلے سے لاشوں اور جسمانی اعضاء کو نکالنے میں مصروف ہیں۔
اتراکھنڈ میں بادل پھٹنے سے نقصان
اتراکھنڈ میں طوفانی بارش اور بادل پھٹنے سے کافی نقصان ہوا ہے۔ یہاں 15 لوگوں کی موت ہو چکی ہے، جب کہ 49 سے زیادہ لوگ لاپتہ ہیں۔ ان کی تلاش جاری ہے۔ کیدارناتھ میں پھنسے تقریباً 3 ہزار مسافروں کو بحفاظت نکال لیا گیا ہے۔ ذرائع کے مطابق بدھ کی رات تیز بارش اور بادل پھٹنے کی وجہ سے لنچولی، بھیم بلی، گھوڑاپاڑاؤاور رام باڑاسمیت کئی مقامات پر سڑک بہہ گئی، جبکہ دیگر مقامات پر مٹی کے تودے گرنے اور بڑے پتھر گرنے سے سڑک کو نقصان پہنچا۔
ہماچل میں بادل پھٹنے سے 9 افراد ہلاک
ہماچل پردیش میں، یکم اگست 2024 کو شملہ، کلو اور منڈی میں بادل پھٹنے سے بڑی تباہی ہوئی۔ 9 افراد کی موت کے علاوہ 50 سے زائد افراد لاپتہ ہیں۔ یہاں 60 سے زائد مکانات بہہ گئے ہیں۔ کئی مکانات مکمل طور پر تباہ ہو گئے ہیں۔ فوج، نیشنل ڈیزاسٹر ریسپانس فورس (این ڈی آر ایف)، انڈو تبت بارڈر پولیس (آئی ٹی بی پی)، اسٹیٹ ڈیزاسٹر ریسپانس فورس (ایس ڈی آر ایف)، سینٹرل انڈسٹریل سیکیورٹی فورس (سی آئی ایس ایف)، پولیس اور ہوم گارڈز کی کل 410 ٹیمیں لاپتہ افراد کی تلاش میں مصروف ہیں۔ ریاست میں ریسکیو کارکن ڈرون کی مدد سے سرچ آپریشن کر رہے ہیں۔ یہاں 114 سڑکیں بند کر دی گئی ہیں۔ محکمہ موسمیات نے ہماچل پردیش میں 7 اگست تک شدید بارش کا الرٹ جاری کیا ہے۔
بھارت ایکسپریس
ہندوستان کی پیٹرو کیمیکل صنعت کو عالمی حد سے زیادہ گنجائش سے مقابلہ کا سامنا…
کیرالہ کے وزیر صنعت نے کہا کہ ان کی حکومت آئندہ ماہ انویسٹ کیرالہ گلوبل…
آئی ڈی ایس اے کے مطابق شمال مشرقی خطے کی دیگر سات ریاستیں کل فروخت…
امانت اللہ خان نے دہلی میں جاری بلڈوزر کارروائی کے خلاف احتجاج بھی کیا تھا…
ایجنسی نے اپنی رپورٹ میں کہا کہ "مجموعی توانائی کے مکس میں قابل تجدید ذرائع…
تقریب کے دوران، عہدیداروں نے اسپورٹس فار آل فاؤنڈیشن کے تعاون کی تعریف کی، جو…