Delhi High Court Receives Bomb Threat Email: دہلی ہائی کورٹ کو بم سے اُڑانے کی دھمکی، عدالتی کارروائی معطل، بم اسکواڈ اور سیکورٹی ایجنسیاں الرٹ

ئی دہلی: دہلی میں بم دھمکیوں کا سلسلہ تھمنے کا نام نہیں لے رہا۔ جمعہ کے روز دہلی ہائی کورٹ کو بم سے اُڑانے کی دھمکی ملنے کے بعد عدالت میں افراتفری اور خوف کا ماحول پیدا ہو گیا۔ تمام ججز نے عدالتی کارروائی روک دی اور عدالت کو فوری طور پر خالی کرا لیا گیا۔
ہائی کورٹ کی آفیشل ای میل آئی ڈی پر موصول ہوئی دھمکی
ذرائع کے مطابق دہلی ہائی کورٹ کی سرکاری ای میل آئی ڈی پر جمعہ کی صبح 10 بج کر 41 منٹ پر ایک خطرناک میل موصول ہوا، جو ہائی کورٹ کے رجسٹرار جنرل ارون بھردواج کو بھیجا گیا تھا۔ اس میل میں لکھا گیا:”پاک-تملناڈو سازش کے تحت، مقدس جمعہ کو بم دھماکے کیے جائیں گے۔ جج روم اور کورٹ کمپلیکس میں 3 بم رکھے گئے ہیں۔ دوپہر 2 بجے تک عدالت خالی کر دی جائے۔”
ججز اور وکلا میں خوف، عدالت کی کارروائی فوری بند
اس دھمکی کے بعد تمام ججز اپنی عدالتوں سے اٹھ کر باہر چلے گئے اور کورٹ رومز کو فوری طور پر بند کر دیا گیا۔ وکلا اور عملے کو باہر نکالنے کا عمل شروع ہوا، جب کہ تمام مقدمات کی سماعت منسوخ کر کے نئی تاریخیں دے دی گئیں۔
بم اسکواڈ اور سیکورٹی ایجنسیاں الرٹ
دھمکی ملنے کے فوراً بعد بم ڈسپوزل اسکواڈ، پولیس فورس، اور دیگر سیکورٹی ایجنسیاں دہلی ہائی کورٹ کے احاطے میں پہنچ گئیں۔ ہائی کورٹ کو مکمل طور پر خالی کرا لیا گیا ہے اور ہر کونے کی باریک بینی سے تلاشی لی جا رہی ہے۔

یہ بھی پڑھیں:سکم میں شدید بارش کے بعد لینڈ سلائیڈنگ، 4 افراد جاں بحق، 3 لاپتہ،کئی ندیاں خطرے کے نشان سے اوپر
اس نوعیت کی دھمکی دی گئی ہو، لیکن اس بار نشانہ ملک کی ایک اہم عدالت ہے

دہلی پولیس کی سائبر سیل نے ای میل کے ماخذ کا سراغ لگانے کے لیے تحقیقات شروع کر دی ہیں۔ یہ معلوم کرنے کی کوشش کی جا رہی ہے کہ یہ میل کہاں سے بھیجا گیا اور اس کے پیچھے کون لوگ شامل ہیں۔ پولیس اور خفیہ ایجنسیاں اس معاملے کو انتہائی سنجیدگی سے لے رہی ہیں۔
یہ پہلا موقع نہیں ہے جب دہلی میں اس نوعیت کی دھمکی دی گئی ہو، لیکن اس بار نشانہ ملک کی ایک اہم عدالت ہے، جس کے سبب سیکورٹی میں مزید سختی کر دی گئی ہے۔

بھارت ایکسپریس اردو