Rahul Gandhi’s stand on Lok Sabha speech: لوک سبھا میں راہل گاندھی کی تقریر کے متنازعہ حصے ہٹا دیے گئے،جانئے پوری بات

صدر کے خطاب پر بحث کے دوران لوک سبھا میں دی گئی راہل گاندھی کی تقریر کے کچھ متنازعہ حصوں کو ہٹا دیا گیا ہے۔ راہل گاندھی نے پیر کو لوک سبھا میں تقریر کی۔ حذف کیے گئے اقتباسات میں ہندوؤں اور کچھ دوسرے مذاہب پر ان کے تبصرے شامل ہیں۔ پیر کو لوک سبھا میں اپوزیشن لیڈر (ایل او پی) کے طور پر راہل گاندھی کی پہلی تقریر تھی۔ اس دوران ہاؤس میں زبردست ہنگامہ ہوا۔

راہل گاندھی نے بھگوان شیو کی تصویر لہرائی تھی
آپ کو بتا دیں کہ پیر کو اپنی تقریر شروع کرتے ہوئے کانگریس کے رکن پارلیمنٹ نے آئین کی کاپی اور بھگوان شیو کی تصویر لہرائی اور حکمراں بھارتیہ جنتا پارٹی (بی جے پی) اور راشٹریہ سویم سیوک سنگھ (آر ایس ایس) کو نشانہ بنایا۔ راہل گاندھی کے ہندوؤں کے تذکرے پر بی جے پی کے ارکان پارلیمنٹ نے شدید احتجاج کیا اور وزیر اعظم نریندر مودی نے بھی مداخلت کی۔ کانگریس رکن پارلیمنٹ کو روکتے ہوئے وزیر اعظم مودی نے کہا تھا کہ ’’پوری ہندو برادری کو پرتشدد کہنا بہت سنگین معاملہ ہے۔ وہیں وزیر داخلہ امت شاہ نے کانگریس رکن پارلیمنٹ سے بی جے پی کو تشدد سے جوڑنے پر معافی مانگنے کو کہا تھا۔

یہ بھی پڑھیں:ملک بھر میں شدید بارش کا الرٹ،ان ریاستوں میں آسکتا ہےسیلاب ،جانئے موسم کی تازہ ترین صورتحال

2 جولائی کو پارلیمنٹ کا ساتواں دن
آپ کو بتاتے چلیں کہ آج یعنی 2 جولائی کو پارلیمنٹ کے اجلاس کا ساتواں دن ہے۔ صدر کے خطاب پر شکریہ کی تحریک پر لوک سبھا میں بحث ہو رہی ہے۔ وزیر اعظم نریندر مودی آج لوک سبھا میں شکریہ کی تحریک کا جواب دیں گے۔ اس کے ساتھ ہی آج بی جے پی پارلیمانی پارٹی کی میٹنگ بھی ہونے جا رہی ہے۔ پیر کو راہل گاندھی نے اپوزیشن لیڈر کے طور پر پہلی بار لوک سبھا میں تقریر کی اور اپنی 90 منٹ کی تقریر میں راہل نے مودی حکومت پر شدید حملہ کیا اور الزام لگایا کہ بی جے پی تشدد کو ہوا دیتی ہے۔ خود کو ہندو کہنے والے چوبیس گھنٹے تشدد میں ملوث رہتے ہیں۔ اس کے بعد پی ایم مودی نے کھڑے ہو کر کہا کہ پورے ہندو سماج کو پرتشدد کہنا ایک سنگین معاملہ ہے۔ اس پر راہل گاندھی نے جواب دیا کہ نریندر مودی جی پورا ہندو سماج نہیں ہے۔ بی جے پی پورا ہندو سماج نہیں ہے۔ آر ایس ایس پورا ہندو سماج نہیں ہے۔

بھارت ایکسپریس