Arvind Kejriwal: تہاڑ جیل میں اروند کیجریوال کا شوگر لیول 320 ہوا، ای ڈی کی گرفتاری کے بعد پہلی بار انسولین دی گئی

دہلی کے وزیر اعلی اروند کیجریوال کو تہاڑ جیل میں انسولین دی گئی ہے۔ عام آدمی پارٹی کے ذرائع کا دعویٰ ہے کہ اروند کیجریوال کی شوگر لیول مسلسل بڑھ رہا تھا ۔سی ایم کیجریوال کا شوگر لیول 320 تک پہنچ گیا تھا۔ ای ڈی کی گرفتاری کے بعد پہلی بار انسولین دی گئی ہے۔

اروند کیجریوال کی اس درخواست کو مسترد کر دیا

دہلی کی ایک عدالت نے پیر کے روز جیل میں بند وزیر اعلیٰ اروند کیجریوال کی اس درخواست کو مسترد کر دیا کہ وہ ویڈیو کانفرنسنگ کے ذریعے ذیابیطس کے علاج اور خون میں شکر کی سطح میں اتار چڑھاؤ کے لیے اپنی پسند کے ڈاکٹر سے مشورہ کرنے کی اجازت مانگی تھی۔

راؤزایونیو کورٹ کی خصوصی جج کاویری باویجا نے اصرار کیا کہ اے اے پی لیڈر کو عدالتی حراست میں رہتے ہوئے مناسب طبی علاج فراہم کیا جائے۔

عدالت نے حکم دیا کہ اگر سی ایم کیجریوال کو جیل میں خصوصی مشاورت کی ضرورت ہے۔ تو جیل حکام ایمس دہلی کے ڈائریکٹر کی طرف سے تشکیل کردہ میڈیکل بورڈ سے مشورہ کریں گے۔یہ میڈیکل بورڈ سی ایم کیجریوال کی طبی ضروریات اور ان کے اہم اعدادوشمار کو مدنظر رکھتے ہوئے ان کے لیے خوراک اور ورزش کاپلان تیار کرے گا۔

جج نے اپنے حکم میں واضح کیا کہ اس دوران سی ایم کیجریوال عدالت کے پہلے حکم اور اپنے ذاتی ڈاکٹر کے ذریعہ دیے گئے ڈائٹ چارٹ کے مطابق گھر کا پکا ہوا کھانا کھا سکتے ہیں۔

عدالت نے میڈیکل پینل سے درخواست کی کہ وہ “جلد سے جلد” اپنی رپورٹ پیش کرے کہ آیا سی ایم کیجریوال کو انسولین دینے کی کوئی ضرورت ہے۔

گزشتہ ہفتے، سی ایم کیجریوال نے عدالت سے رجوع کیا تھا اور جیل حکام کو ہدایت کی درخواست کی تھی کہ وہ انہیں انسولین دیں اور ان کے بلڈ شوگر کی سطح 46 تک گرنے کے بعد انہیں ویڈیو کانفرنسنگ کے ذریعے اپنے باقاعدہ ڈاکٹر سے مشورہ کرنے کی اجازت دی جائے۔

بھارت ایکسپریس