Major accident at Mumbra Railway Station: ممبئی کی فاسٹ لوکل میں بڑا حادثہ، ممبرا اسٹیشن پر ٹریک پر گرنے سے 5 افراد کی موت

ممبئی سے لکھنؤ جا رہی پشپک ایکسپریس میں حادثہ پیش آیا ہے۔ ٹرین سے گر کر پانچ مسافروں کی موت ہو گئی۔ سنٹرل ریلوے کا کہنا ہے کہ یہ حادثہ دیوا کوپر ریلوے اسٹیشن کے درمیان پیش آیا۔

سنٹرل ریلوے کا کہنا ہے کہ کچھ مسافر سی ایس ایم ٹی کی طرف سفر کر رہے تھے،اسی دوران  تھانے کے ممبئی ریلوے اسٹیشن سے ٹرین سے گر گئے۔ مسافروں کے گرنے کی وجہ ضرورت سے زیادہ بھیڑ بتائی جا رہی ہے۔ واقعہ کی اطلاع ملتے ہی ریلوے انتظامیہ اور پولیس موقع پر پہنچ گئی۔ زخمیوں کو فوری طور پر قریبی اسپتال لے جایا گیا۔ معاملے کی جانچ کی جا رہی ہے۔ اس واقعہ سے مقامی خدمات متاثر ہوئی ہیں۔

پشپک ٹرین میں کافی بھیڑ تھی، جس کی وجہ سے یہ مسافر ٹرین کے دروازے پر لٹک کر سفر کر رہے تھے۔ اس واقعے کی کچھ ویڈیوز سوشل میڈیا پر وائرل ہو رہی ہیں۔ ان میں مسافروں کو ٹرین سے گرتے ہوئے دیکھا جا سکتا ہے۔ ان مسافروں کو ٹریک سے اٹھا کر پلیٹ فارم پر لایا گیا۔ یہ مسافر شدید زخمی حالت پائے گے، ان مسافروں  کے کپڑے پھٹ گئے تھے۔

کسارا جانے والی ممبئی ٹرین کے گارڈ نے بتایا کہ ممبئی اسٹیشن کے قریب ٹرین سے پانچ مسافر گر گئے۔ مرنے والوں کی شناخت کی جا رہی ہے۔ تمام مرنے والوں کی عمریں 30 سے ​​35 سال کے درمیان بتائی جارہی ہے ۔

بھار ت ایکسپریس اردو