Book Fair 2023: دہلی میں عالمی کتاب میلے میں امنڈ رہا ہے ہجوم، کیا ہے اس کی تاریخ؟

Delhi Book Fair 2023:کورونا وبا نے ہندوستان سمیت پوری دنیا کے تقریباً سبھی حلقوں کو متاثر کیا۔ ملک کی راجدھانی دہلی بھی اس سے اچھوتی نہیں رہی۔ دہلی میں وقت وقت پر دیگرمیلوں کا انعقاد ہوتا رہتا ہے۔ جو سبھی اس وبا سے متاثرہوئے ہیں۔ اسی ضمن میں دہلی کے پرگتی میدان میں ہرسال لگنے والا ہندوستان کا سب سے بڑا کتاب میلہ ‘عالمی کتاب میلہ’ بھی 2020 کے بعد سے فزیکل طور پر کورونا وبا کے سبب بند رہا۔

سال 2021 اور 2022 میں یہ ورچوئل طور پر منعقد کیا گیا تھا۔ اس سال یہ میلا فزیکل طور پر دہلی کے پرگتی میدان میں 25 فروری سے 5 مارچ 2023 تک منعقد ہو رہا ہے۔ یہ 31واں عالمی کتاب میلہ ہے، جس میں تقریباً 1000  پبلشرزآئے ہیں اورتقریباً 2000 اسٹالز لگائےگئے ہیں۔

نئی دہلی کے پرگتی میدان میں لگنے والا عالمی کتاب میلہ (ورلڈ بک فیئر)، کولکاتا کتاب میلہ کے بعد دوسرا سب سے پرانا کتاب میلہ ہے۔ اس میلے میں ملک وبیرون ملک کے دیگرپبلشرز اپنی زیادہ سے زیادہ کتابوں کی نمائش کرتے ہیں۔ اس کے علاوہ سرکاری، غیر سرکاری،ملکی وغیرملکی پبلشرز بھی اس میں حصہ لیتے ہیں۔