Narendra Modi-Indian Gamers Meet: جب گیمر سے ملے وزیر اعظم مودی، کہا۔ میں بال کلر کرکے کرتاں ہوں سفید ، جانئے پھر کیا ہوا

انتخابی موسم کے درمیان، وزیر اعظم نریندر مودی نے ملک کے سرکردہ گیمرزسے ملاقات کی ہے۔ اس دوران اس نے سات گیمرز کے ساتھ کچھ ویڈیو گیمز بھی کھیلے اور ان کے ساتھ ہلکا پھلکا مذاق بھی کیا۔

وزیر اعظم مودی اور ان گیمرز کے درمیان ملاقات سے متعلق ایک ویڈیو جمعرات (11 مارچ 2024) کو نیوز ایجنسی اے این آئی نے شیئر کیا تھا۔ دو منٹ 37 سیکنڈز کے اس کلپ میں ایک لمحہ ایسا بھی دیکھا گیا جب وہ مزاحیہ لہجے میں گیمرز کو کہتے نظر آئے کہ میں اپنے بالوں کو رنگ کر کے سفید کرتا ہوں۔

نریندر مودی سے ملاقات کے بعد کچھ گیمرز گھبرا گئے!

وزیر اعظم سے ملاقات کے بعد یہ گیمرز کافی پرجوش نظر آئے۔ ایک گیمر نے نریندر مودی سے کہا، “میرا دل دھڑک رہا ہے!” وزیر اعظم نے مسکرا کر جواب دیا کہ ہونے دو۔ وزیر اعظم سے ملاقات کے بعد اپنا تجربہ بتاتے ہوئے پائل دھرے نے کہا – ہمیں تو احساس تک نہیں تھا کہ ہماری عمروں میں اتنا بڑا فرق ہے۔ ایک اور گیمرنے کہا، “پی ایم  سے بات کرنے کے بعد ایسا محسوس ہوتا ہے کہ ہم خاندان کے کسی فرد سے بات کر رہے ہیں۔”

گفتگو کے دوران گیمرز نے یہ بھی بتایا کہ گیمنگ سیکٹر نے سال 2019 میں زور پکڑا ہے۔ ہمارے افسانوں سے جڑے کئی گیمز بھی بن چکے ہیں اور حکومت گیمرز کی تخلیقی صلاحیتوں کو فروغ دے رہی ہے۔ اس پر وزیر اعظم نے پوچھا، “اچھا، سب کچھ میرے اقتدار میں آنے کے بعد ہی ہوا ہے!” وزیر اعظم  مودی کے گیمنگ کے تجربے پر، ایک گیمر نے اے این آئی کو بتایا – نریندر مودی  بہت تیزی سے گیم کھیل رہے تھے۔ اگر میں اپنے والد کو بھی سکھاتا ہوں تو ان کو سمجھنے میں کچھ وقت لگے گا۔ وہ پہلی کوشش میں اتنا اچھا نہیں کھیل پائے۔

کن ہندوستانی کھلاڑیوں نے وزیر اعظم سے ملاقات کی؟

انیمیش اگروال، نمن ماتھر، متھلیش پاٹنکر، پائل دھارے، تیرتھ مہتا، گنگادھر اور انشو بشت۔