Weather Update: آج ملک بھر میں بارش کا الرٹ، جلد ہونے والا ہے سردی کا احساس! جانیں کس ریاست میں کیسا رہے گا موسم

Weather Update: اب ملک بھر میں موسم کا مزاج بدلنے والا ہے۔ جہاں پہلے گرمی سے عوام کو مشکلات کا سامنا تھا اب موسم میں تبدیلی کی وجہ سے ریلیف ملنے والا ہے۔ محکمہ موسمیات کے مطابق 17 اکتوبر تک کئی ریاستوں میں بارش ہونے والی ہے، جس کے بعد سردی محسوس ہوگی۔ اس کے علاوہ کیرلہ اور تمل ناڈو میں اگلے دو دنوں تک موسلادھار بارش کا امکان ہے۔

آج دہلی-این سی آر میں کیسا رہے گا موسم؟

دہلی-این سی آر میں صبح کے وقت سردی محسوس ہونے لگی ہے، حالانکہ دن کے وقت چلچلاتی دھوپ کی وجہ سے گرمی کا سامنا کرنا پڑ رہا ہے۔ محکمہ موسمیات کے مطابق پیر اور منگل کو راجدھانی دہلی سمیت این سی آر میں بارش ہوسکتی ہے جس کی وجہ سے زیادہ سے زیادہ درجہ حرارت 3 سے 4 ڈگری تک گر سکتا ہے۔ جس کی وجہ سے زیادہ سے زیادہ درجہ حرارت 32 ڈگری اور کم سے کم درجہ حرارت 20 ڈگری سینٹی گریڈ تک رہ سکتا ہے۔

کہاں کہاں بارش ہوگی آج؟

محکمہ موسمیات کے مطابق آج یعنی پیر (16 اکتوبر) کو اتراکھنڈ، جموں و کشمیر، لداخ، ہماچل پردیش، پنجاب، ہریانہ، چندی گڑھ، مظفرآباد میں ہلکی بارش ہوگی۔ اس کے علاوہ کئی ریاستوں میں طوفان اور آسمانی بجلی گرنے کا بھی امکان ہے۔ یوپی اور راجستھان میں بھی آج بارش کا امکان ہے۔

یہ بھی پڑھیں- Israel-Palestine Conflict: فلسطین کی حمایت کرتے ہوئے مولانا ارشد مدنی نے کہا- فوری اثر سے روکی جائے اسرائیل کی جارحانہ دہشت گردی

محکمہ موسمیات نے پیش گوئی کی تھی کہ یمنوتری دھام اور اونچائی والے علاقوں میں بھاری برف باری ہوگی، جس کے بعد یہ پیشین گوئی سچ ثابت ہوئی اور اتوار کی دوپہر تک یمنوتری دھام کی اونچی پہاڑیوں سمیت سپت رشی کنڈ میں بھاری برفباری ہوئی۔ دوسری جانب جنوبی ریاستوں میں بھی بارش کے حوالے سے الرٹ جاری کر دیا گیا ہے۔ کیرلہ اور تمل ناڈو میں پہلے ہی موسلادھار بارش ہو رہی ہے، جس کے بعد اب محکمہ موسمیات نے اگلے دو دنوں تک موسلادھار بارش کا الرٹ جاری کر دیا ہے۔ اس کے ساتھ ساتھ کئی علاقوں میں آسمانی بجلی گرنے اور طوفان کا بھی امکان ہے۔

-بھارت ایکسپریس