UP Politics: یوپی میں اتحاد کو لے کر اکھلیش یادو کا بڑا اعلان، واضح ہوئی تصویر

UP Politics: منگل کو جب سماج وادی پارٹی نے ضمنی انتخاب کے لیے اپنے امیدواروں کی فہرست جاری کی تو سیاسی ہلچل تیز ہوگئی۔ کانگریس نے کہا کہ ابھی تک اتحاد میں سیٹوں کی تقسیم پر کوئی بات چیت نہیں ہوئی ہے۔ کانگریس کے اس بیان نے سیاست کو نیا رنگ دیا، جس کے بعد ہر طرح کی قیاس آرائیاں شروع ہوگئیں۔

لیکن اب ایس پی سربراہ اکھلیش یادو نے ان سوالوں کا جواب دیا ہے جن پر پچھلے 24 گھنٹوں سے سسپنس تھا۔ اکھلیش یادو سے جب ہریانہ میں کانگریس کی شکست کے بارے میں پوچھا گیا تو انہوں نے بڑے صاف لہجے میں کہا کہ وہ آج اس موضوع پر کچھ نہیں کہیں گے۔ اس معاملے پر بات کرنے کے لیے آج کا دن مناسب نہیں۔

جب ایس پی سربراہ سے ضمنی انتخاب کے بارے میں سوال پوچھا گیا تو انہوں نے تھوڑا کھل کر جواب دیا۔ کانگریس کے ساتھ سیٹوں کی تقسیم اور اس کے امیدواروں کے اعلان پر انہوں نے کہا کہ آج کہنے کو بہت کچھ نہیں ہے لیکن ہاں، یوپی میں کانگریس کے ساتھ اتحاد ہوگا۔ اکھلیش یادو کے اس بیان کے ساتھ ہی ہر سسپنس ختم ہو گیا لیکن سیٹوں کا سوال ابھی باقی ہے۔

ان نشستوں پر کھڑے کئے امیدوار

قابل ذکر ہے کہ سماج وادی پارٹی نے بدھ کو چھ امیدواروں کی فہرست جاری کی۔ ایس پی نے کرہل اسمبلی سیٹ سے تیج پرتاپ یادو، سیسماؤ اسمبلی سیٹ سے نسیم سولنکی، پھول پور سے مصطفی صدیقی، ملکی پور سے اجیت پرساد، کٹہری سے شوبھاوتی ورما اور منجھواں اسمبلی سیٹ سے ڈاکٹر جیوتی بند کو امیدوار بنایا ہے۔

یہ بھی پڑھیں- FIR registered against Sanjay Raut: لاڈلی بہنا یوجنا پر تبصرہ کرنا سنجے راوت کو پڑا بھاری، بھوپال میں ایف آئی آر درج

پھول پور اور منجھواں دونوں ایسی سیٹیں ہیں جن پر کانگریس دعویٰ کر رہی تھی۔ اتر پردیش کی 10 اسمبلی سیٹوں پر ضمنی انتخابات ہونے ہیں۔ 10 خالی سیٹوں میں سے پانچ سیٹیں – سیسماؤ، کٹہری، کرہل، ملکی پور اور کندرکی – ایس پی کے پاس تھیں۔ ساتھ ہی پھول پور، غازی آباد، ماجھواں اور کھیر بی جے پی کے پاس تھی۔ آپ کو بتا دیں کہ کانگریس نے ضمنی انتخاب میں 5 سیٹوں کا مطالبہ کیا تھا۔

-بھارت ایکسپریس