UP Police constable Suspend for support Palestine: اسرائیل اورفلسطین کے درمیان چل رہی خطرناک جنگ کے معاملے میں گزشتہ دنوں یوپی پولیس میں تعینات ایک کانسٹبل کو فلسطین کی حمایت کرنے پرمعطل کردیا گیا ہے۔ بتایا جاتا ہے کہ کانسٹبل سہیل انصاری نے فلسطین کی حمایت میں چندہ جمع کرنے کی پہل کی تھی، جسے لے کرسوشل میڈیا پر ہوئی جم کر گرما گرمی کے بعد یوپی پولیس اس سپاہی کی تلاش اورمعاملے کی جانچ میں مصروف ہوگئی تھی۔ اب اسی معاملے میں یوپی پولیس نے اتوارکے روز کارروائی کرتے ہوئے لکھیم پورکھیری میں تعینات سپاہی سہیل انصاری پرایکشن لے لیا، جس کے سبب یوپی پولیس نے معاملے میں قصوروارسپاہی کو معطل کردیا ہے۔
وائرل پوسٹ کے معاملے کی جانچ کر رہی تھی یوپی پولیس
خبروں کے مطابق، یوپی پولس کے کانسٹبل سہیل انصاری کی فیس بک پوسٹ پرفلسطین کی حمایت میں کیا گیا پوسٹ سوشل میڈیا پروائرل ہونے کے بعد یوپی پولیس افسران کے محکمہ میں ہنگامہ مچ گیا تھا۔ دیکھتے ہی دیکھتے معاملے کی جانچ شروع کی گئی۔ اس معاملے میں ایس پی نے جانچ کی ذمہ داری ایڈیشنل ایس پی کو سونپی تھی اور جانچ رپورٹ کا انتظار کیا جا رہا تھا۔ معاملے کے 4 دن بعد جانچ میں سپاہی پرالزام درست ثابت پایا گیا، جس کے بعد ملزم سپاہی کو معطل کردیا گیا۔ واضح رہے کہ ملزم کانسٹبل سہیل انصاری بریلی ضلع کا رہنے والا ہے اورلکھیم پورکھیری پولیس لائن میں تعینات تھا۔
یوگی آدتیہ ناتھ نے دیا یہ سخت حکم
قابل ذکرہے کہ یوپی کے وزیراعلیٰ یوگی آدتیہ ناتھ نے گزشتہ جمعرات کو ویڈیو کانفرنسنگ کے ذریعہ یوپی کے سبھی ضلع افسران اورپولیس کمشنروں/ سینئرپولیس سپرنٹنڈنٹ/پولیس سپرنٹنڈنٹ کے ساتھ میٹنگ کرتے ہوئے اسرائیل-فلسطین تنازعہ پرخاص حکم جاری کیا تھا۔ اس دوران یوگی آدتیہ ناتھ نے افسران کو حکم دیتے ہوئے کہا تھا کہ سبھی پولیس کپتان اپنے علاقے میں الگ الگ مذہبی رہنماؤں سے فوری اثرسے بات چیت کریں۔ انہوں نے کہا کہ اسرائیل-فلسطین تنازعہ میں ہندوستانی حکومت کے خیالات کے خلاف ریاست کے اندرکسی طرح کی سرگرمی قبول نہیں کی جائے گی۔ اس کے ساتھ ہی انہوں نے اس موضوع سے متعلق سوشل میڈیا پرتبصرہ کرنے والوں کے خلاف بھی سخت کارروائی کے لئے افسران کو سخت احکامات دیئے تھے۔
بھارت ایکسپریس۔