UP Namaz Row: نماز سے متعلق یوگی آدتیہ ناتھ کے بیان پراکھلیش یادو کا پہلا ردعمل، کہا- جگہ کم ہے تو کیا پریشانی؟ جانئے پوری تفصیل

اترپردیش کے وزیراعلیٰ یوگی آدتیہ ناتھ نے 18 مئی کو ایک پروگرام میں کہا کہ اترپردیش میں سڑکوں پرنماز نہیں ہونے دی جاتی۔ انہوں نے کہا کہ سڑکیں آمدورفت کے لئے ہوتی ہیں اورکسی کو بھی چوراہوں یا سڑکوں کو روک عوامی زندگی میں رخنہ اندازی کرنے کا اختیارنہیں ہے۔ انہوں نے کہا کہ نمازکے لئے مقررہ مقام (مساجد) موجود ہیں اورلوگوں کووہیں جاکرعبادت کرنی چاہئے۔ انہوں نے کہا کہ اگرتعداد زیادہ ہے تو لوگ شفٹ میں نمازپڑھ سکتے ہیں۔ ساتھ ہی انہوں نے عوامی کنٹرول کا بھی ذکر کرتے ہوئے کہا کہ اگروسائل اورجگہ محدود ہیں توتعداد بڑھانے پربھی غورکرنا چاہئے۔

پیارسے نہیں مانیں گے تو دوسرا طریقہ اپنائیں گے: یوگی آدتیہ ناتھ

وزیراعلیٰ نے یہ بھی کہا، ”قانون کا راج ہوگا۔ قانون کے راج کوسب کومساوی طورپرنافذ کریں گے۔ نمازپڑھنی ضروری ہے۔ آپ شفٹ میں پڑھئیے۔ ہم اس کوروکیں گے نہیں، لیکن سڑک پر نہیں۔ سڑک چلنے کے لئے ایک عام شہری کے لئے، ایک بیمارشخص کے لئے، ایک عام شہری کے لئے، ایک کام کرنے والے کے لئے، ایک ملازم کے لئے، ایک تاجرکے لئے ہم سڑکوں پر رکاوٹ نہیں آنے دیں گے۔ حکومت کا قانون سب کے لئے ہے۔ یہ سب پریکساں طورپرلاگو ہوتا ہے۔“ انہوں نے کہا، ”ہم نے کہا بھائی نہیں چلنے دیں گے۔ بدامنی سڑکوں پرنہیں پھیلنے دیں گے۔ پیارسے مانیں گے توٹھیک بات ہے، نہیں مانیں گے تو دوسرا طریقہ اپنائیں گے۔ ہمارا کام ہے سنواد بنانا۔ آپ سنواد سے مانیں گے سنواد سے نہیں توسنگھرش سے بھی دیکھ لو۔ بریلی میں لوگوں نے ہاتھ آزمانے کا کام کیا۔ دیکھ لیا طاقت۔ اس لئے حکومت ان سسٹم کے ساتھ پورے سسٹم کو جوڑنا چاہتی ہے۔“