Bareilly Road Accident: ٹائر پھٹنے سے بے قابو کار ٹرک سے ٹکرائی ، 8 افراد جاں بحق

Bareilly Road Accident: اتر پردیش میں ہفتے کی رات دیر گئے ایک بچے سمیت آٹھ مسافروں کی موت اس وقت ہوئی جب ان کی کار ایک ٹرک سے ٹکرا گئی اور آگ لگ گئی۔ پولیس نے بتایا کہ بریلی میں مرکزی طور پر بند کار میں پھنس جانے سے سات بالغ اور ایک بچے کی موت ہو گئی۔ جائے حادثہ کی فوٹیج میں نینی تال ہائی وے پر ایک جلتی ہوئی کار کو ٹرک کے ساتھ دیکھا جا سکتا ہے۔ بتایا جا رہا ہے کہ حادثے کے بعد کار کے دروازے شاید جام ہو گئے اور نہیں کھلے، اس لیے کوئی بھی گاڑی سے باہر نہیں آ سکا۔
دونوں گاڑیوں کے تصادم سے اتنا زور دار دھماکہ ہوا کہ آس پاس رہنے والے لوگ جاگ اٹھے۔ دھماکے کی آواز سن کر لوگ گھروں سے باہر نکل آئے۔ جس کے بعد انہوں  نے پولیس کو واقعہ کی اطلاع دی۔ قابل ذکر بات یہ ہے کہ  گاڑی لاک ہونے کی وجہ سے کسی مسافر کو باہر نہیں نکالا جا سکا۔

بریلی کے سینئر سپرنٹنڈنٹ آف پولیس سشیل چندر بھان دھولے نے کہا، “کار مخالف لین میں گئی اور ایک ٹرک سے ٹکرا گئی۔ یہ حادثہ بھوجی پورہ کے قریب ہائی وے پر پیش آیا۔ کار ایک ٹرک سے ٹکرا گئی اور اس میں آگ لگ گئی۔ کارسینٹرل لاک  والی تھی ۔ اس لیے اندر موجود لوگ آگ کی وجہ سے اپنی جان سے ہاتھ دھو بیٹھے۔

یہ بھی پڑھیں : اینیمل’ نے باکس آفس پر زبردست لگائی چھلانگ، فلم 400 کروڑ کے کلب میں شامل ہونے کہ کافی قریب!

پولیس کا کہنا ہے کہ مسافر شادی میں شرکت کے لیے جارہے تھے کہ اسی دوران حادثے کا شکار ہوگئے۔ ان کی لاشوں کو پوسٹ مارٹم کے لیے بھیج دیا گیا ہے۔

یہ بھی پڑھیں :شیخ محمد بن زید النہیان نے ولادیمیر پوتن کو اپنا ‘دوست’ بتایا،پوتن کا مشرق وسطیٰ کے ممالک کا دورہ امریکہ کے لیے خطرہ کیوں؟

پولیس سپرنٹنڈنٹ سشیل چندر بھان نے اس واقعہ میں ایک بچے سمیت آٹھ لوگوں کی موت کی تصدیق کی ہے۔ مرنے والوں کی تاحال شناخت نہیں ہو سکی ہے۔ یہ کار سمیت گپتا نامی شخص کی تھی۔جس نے اسے فرقان نامی شخص کو دیا تھا۔ ذرائع کا کہنا ہے کہ جب پولیس موقع پر پہنچی تب تک کار مکمل طور پر جل چکی تھی۔ پولس معاملے کی تحقیقات کر رہی ہے۔

بھارت ایکسپریس