Shiv Sena UBT Candidate List: ادھو ٹھاکرے نے AIMIM ایم پی امتیاز جلیل کے خلاف اتارا امیدوار، جانئے کسے دیا ٹکٹ

Maharashtra Shiv Sena UBT Candidate List: مہاراشٹرلوک سبھا الیکشن کے لئے ادھو ٹھاکرے گروپ کی شیوسینا نے 17 امیدواروں کے ناموں کا اعلان کیا ہے۔ اس فہرست میں پارٹی نے کئی سیٹوں پرحیران کیا ہے۔ اس میں شیوسینا یوبی ٹی نے سنبھاجی نگرسے آل انڈیا مجلس اتحاد المسلمین (اے آئی ایم آئی ایم) کے رکن پارلیمنٹ امتیازجلیل کے سامنے چندرکانت کھیرے کوانتخابی میدان میں اتارا ہے۔ امتیازجلیل نے 2019 لوک سبھا الیکشن میں شاندارجیت حاصل کی تھی۔

انباداس دانوے کا پتہ کٹا؟

ادھو گروپ کے رکن پارلیمنٹ سنجے راؤت نے ٹوئٹ کرکے ٹھاکرے گروپ کے امیدواروں کی فہرست جاری کی ہے۔ دلچسپ بات یہ ہے کہ جب سے چندرکانت کھیرے کی امیدواری کا اعلان ہوا ہے۔ سنبھاجی نگرسے ٹکٹ کی خواہش رکھنے والے انباداس دانوے کا پتہ کٹ گیا ہے۔

شیوسینا نے امول کیرتیکرکواس جگہ سے ٹکٹ دیا ہے، جہاں سے کانگریس لیڈرسنجے نروپم ٹکٹ مانگ رہے تھے۔ شیوسینا نے نریندرکھیڈکرکوبلڈھانہ سے، اروند ساونت کوممبئی ساؤتھ سے، سنجے جادھو کو پربھنی لوک سبھا سیٹ سے، سنجے دیشمکھ کویاوتمال واشم سے، چندراہرپاٹل کوسانگلی سے اورناگیش پاٹل کوہنگولی سیٹ سے امیدواربنایا ہے۔ اس کے علاوہ سنبھاجی نگر سے اے آئی ایم آئی ایم کے رکن پارلیمنٹ اورامیدوارچندرکانت کھیرے قسمت آزمائیں گے۔ دھرشیوسیٹ سے اومراج نمبالکر، شرڈی سے بھاؤصاحب واگھچورے، ناسک سے راجا بھاؤ واجے، رائے گڑھ سے اننت گیتے، سندھودرگ رتناگیری سے ونائک راؤاورتھانے سے راجن وچارے کو ٹکٹ ملا ہے۔ جبکہ نارتھ ایسٹ ممبئی سے سنجے دینا پاٹل اورنارتھ ویسٹ ممبئی سے امول کارتیکرپارٹی کے امیدوارہوں گے۔